Galeria VZ

/Hahí/ Nudar masin-midar Hamidar xá  Natoon de'it  to'o ona Barak liu Sei laran sa'e  Sei kabun moras Dili, 26 Janeiro 2022

Oh rai nakaras Iha o nia kortina ha'u subar ha'u nia todan Se mak bele hatene diak liutan laran susar ne'e liufali o Se mak bele kompreende neon sala ne'e di'ak liufali o Wainhira ha'u hateke o iha nonook O de'it mak hatene segredu hirak be tula hela iha kaba'as be ruin tohik dadaun ne'e.

O nia tauk ne'e mai husi o nia an rasik. O nia tauk ne'e moris ona ho o desde tempu o moris mai iha mundu. O nia tauk ne'e hanesan buan ne'ebe habosok bebeik o wainhira o fiar ona ba buat ruma. Wainhira o boot mai o aprende konaba oinsa atu sai brani. Maibe tauk sadik nafatin o atu prova katak o nia brani ne'e dalaruma la to'o rohan.  Wainhira o hahu atu fiar ema ida, tauk bisu-bisu iha o nia tilun katak o loloos ne'e labele fo o nia fiar arbiru tan dalaruma o sei arepende iha loron ikus. Wainhira akontese duni nune'e tauk mak tarata uluk o hodi hateten 'meok, hau dehan bebeik ona maibe o lakohi rona ha'u'. Husi ne'e o dalaruma hahu rende atu fo sai tan o nia fiar. Maibe iha tempu hanesan o rasik hahú realiza katak se o la koko mak o sei la aprende. O nia tauk mos la sala. Nia hanesan ema ida ne'ebé fo sinal uluk ba o atu o bele prepara an wainhira hadoru todan husi o nia desizaun sira. O labele rende. Tan ne'e o koko aru duni

Honestidade ne'e karun la halimar! Atu sai onestu iha lialoos selu karun la halimar! Wainhira o lao tuir onestidade nia konselu O sei hetan ofende, odiu Ema dehan “O foti-an, O beik-teen, O lahatene-buat ida Sees tiha!” 'O keta santu demais', 'O keta inosente demais' 'Husik bosok mak manda atu buat hotu lao ba oin' 'O ne'e saida fali?' Loos duni maun alin... Bosok ne'e baratu no fasil no halo buat hotu la'o diak Ita hamnasa midar ba malu Ita bolu malu kolega Maibe se mak hakarak atu kastigu nia neon to'o mate? O ka ha'u? Maun alin... Onestidade ba lialoos ne'e karun Maibe nia mak fo liberdade ba moris! VZ, 24 Mar 2016

Ema hirak ne'e barak iha ita leet Tuur, la'o, koalia no hamnasa ho ita Ita hanoin sira laran-diak Ita hanoin sira laran maus Maibe lae! Iha oin sira rona ita diak Iha kotuk sira konta tuir fali Konta tutan ba tutan husi sikun ba sikun seluk Dada ema seluk atu julga ita, hamnasa ita, hare'e ita matan sorin Matan moris neon ba Tan sira iha hela ita nia leet. Dili, 12 Outubro 2016

Wainhira ita haksolok liu tan de'it sasan, poder no rikusoin ruma ne'ebe ita iha ona, keta haluha katak  iha sa tempu de'it buat hirak ne'e bele lakon leet de'it wainhira akontese mudansa. Wainhira ita laran susar liu tan de'it sasan, poder no rikusoin ruma ne'ebe ita ladauk iha, Hanoin ba katak iha sa tempu de'it buat hirak ne'e bele mosu mai ita wainhira akontese mudansa. VZ

Wainhira ita hare'e lekirauk basa liman hare're nia maluk lekirauk ida basa hirus-matan Keta hakfodak   Sira dalaruma hakarak basa liman atu halo kontente de'it leki-rauk ida be basa hirus-matan ne'e.  VZ

Ironiku katak ema gosta ejiji ita atu tuir sira nia padraun (standar) hodi bele sai perfeitu iha isin nia forma, modelu hatais, edukasaun no atinjimentu material sira maibe haluha atu hare’e katak ema ida-idak ninia esforsu versus kondisaun ne’ebe nia hasoru ne’e relativamente la hanesan.

Sa mak o sente waihira haree hetan aifunan Orkidea ida ho nia kor hafutar an nabilan iha ai-inan ida nia leten? Se o iha deit simpatia, o sei haree loos deit ba nia funan furak ne'e. Se o mos iha empatia, o sei fihir kona ai-hun be sai ninia ai-inan hodi orkidea ne'e bele supa ninia bokur sira. Ah ironiku! Katak furak ida tenki mai ho sakrifisiu husi parte seluk. Karik mak ai-hun ne'e la tenki sai ai-inan ka orkidea la presija ai-inan atu moris? Oinsa ema fihir sira? Se o iha loos de'it apatia, o sei la preokupa ho orkidea ka aihun ne'e mos.   VZ, Dili, 14.08.2016

Tiada guna kau ceritakan terus dengan berapi-api kepada semua orang tentang kejelekan dan tabiat buruk orang lain itu untuk membuat kagum pendengar-pendengarmu Memang terdengar menakjubkan mungkin cerita tentang kejelekan itu Tapi toh suatu hari engkaupun takkan luput dari kesalahan Wahai kawan, manusia itu tidak ada yang sempurna  VZ 

Keindahan adalah sesuatu yang Menarik jiwamu. Keindahan adalah cinta yang tidak memberi namun menerima...  (Kahlil Gibran, Mutiara Kehidupan )