Lospalos/Saudades.

Kalan be hakmatek 
Tinan-foun nia ksolok mihis dadaun
Manduku iha nakukun lian la hakmatek 
Lospalos nia rame mihis dadaun

Haas-huun sira tempu funan liu ona
Jambua-huun sira mak fo funan fali
Halibur sira be hanesan aifunan liu ona
Bainhira tan mak mai hamutuk fali?

Tinan-tinan mai iha sidade ne'e
Haree, hanoin no hahí fali
Memória no momentu sira husi sidade ne'e
Haree, hanoin no hahí hikas fali

Uma mutin andar ne'e furak loos
Uluk nia uma ida be simples liu ona  
Nain foinsa'e ida be subar hamnasa loos,
wainhira ha'u hasee. Ohin nia laiha ona

Iha ne'e, ó bele mai atu fihir de'it saudades nia koris
Keta buka no hein nain ba saudades hirak ne'e
Tan sira nia lalatak de'it mak sei hakoris
Lidun mamuk hirak iha sidade ne'e.

Lospalos, 5 Janeiro 2024.


Komentar

Posting Komentar

Postingan populer dari blog ini

Aprende husi Sócrates: Ta’es Dala Tolu

Gambar
Sócrates mak ema matenek-nain ida husi Igregu. Nia ema ida be naran boot tamba ninia kuinesementu no sabedoria ne’ebe klean.  Loron ida, iha mane ida mai hasoru malu ho Sócrates no hateten,  “Itaboot hakarak hatene saida mak ha’u foin rona konaba itaboot nia belun ida?’’ “Hein lai,” Sócrates hatán.   “Molok itaboot fo hatene ha’u konaba buat ruma, ha’u hakarak itaboot passa lai ezame kiikoan ida. Ezame ne’e hanaran Ta'es Dala Tolu. ” “Taes Dala Tolu?” Mane ne’e husu. “Loos,” Sócrates hatán.  “Molok itaboot hateten mai ha'u konaba ha’u nia belun, karik diak liu fó tempu uituan hodi ta’es lai buat ne’ebé itaboot atu hateten. Ida ne’e ha’u bolu dehan ezame ta’es dala tolu. Ta’es dahuluk nian mak LIALOOS . Itaboot garante ona katak buat ne’ebe itaboot atu hateten mai ha’u ne’e loos?" “Lae” mane ne’e hatán, “loloos ne’e ha’u foin mak rona no hakarak atu fo hatene ba ita.” “Diak,” Sócrates hatan.  ...
Baca selengkapnya

HONESTIDADE NE'E KARUN

Gambar
Honestidade ne'e karun la halimar! Atu sai onestu iha lialoos selu karun la halimar! Wainhira o lao tuir onestidade nia konselu O sei hetan ofende, odiu Ema dehan “O foti-an, O beik-teen, O lahatene-buat ida Sees tiha!” 'O keta santu demais', 'O keta inosente demais' 'Husik bosok mak manda atu buat hotu lao ba oin' 'O ne'e saida fali?' Loos duni maun alin... Bosok ne'e baratu no fasil no halo buat hotu la'o diak Ita hamnasa midar ba malu Ita bolu malu kolega Maibe se mak hakarak atu kastigu nia neon to'o mate? O ka ha'u? Maun alin... Onestidade ba lialoos ne'e karun Maibe nia mak fo liberdade ba moris! VZ, 24 Mar 2016
Baca selengkapnya

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia bel...
Baca selengkapnya