KONABA DOMIN



Obra Kahlil Gibran husi Livru O Profeta
 
Tradusaun livre ba lian Tetum husi Vitalia Ze

Hafoin,  Al-Mithra hateten: Koalia to’ok mai ami konaba domin.
No nia fila oin hodi hateke ba povu hotu iha ne’ebá be mohu iha nonook nia laran. Nune’e, ho lian makaas, nia hateten:

Wainhira domin fo bodik hodi bolu o, tuir nia ba,
maski ninia dalan sira mesak toos no  kroat.
No wainhira ninia liras sira hakuak o, entrega o nia an ba nia,
maski surik ne’ebe naksubar iha ninia liras leet  bele hakanek o.
No wainhira nia koalia ba o, fiar ba nia,
maski ninia lian bele harahun o nia mehi sira nudar anin tasi-feto be sobu-rahun jardiin.

Nudar domin sei tau koroa ba o,  nune’e mos mak nia sei krusifika o. Nomós, nudar nia bele haburas o, nia mos bele hamenus o.  
No nudar nia bele harii-an aas hanesan ho o no book o nia sanak sira be mamar  liu ne’ebe nakdedar iha Loro-matan okos, sei sai nune’e mos mak nia dada-tuun  o nia abut sira be metin iha rai-okos.
Nudar trigu kulit liman –isin ida, nia halibur o an rasik ba nia an
Hili hodi hamoos o isin ho momoos.
Tahek o husi o nia uut.
Dulas o to’o mutin nabilan.
Deut o  to’o sai kabeer didiak.
Hafoin nune’e, mak nia sei hasa’e o ba ninia ahi lulik, hakfilak o sai paun lulik ba festa lulik Maromak nian. 


Buat sira ne’e hotu mak domin sei halo ba o, atu o bele kuinese o nia fuan nia segredu sira no liuhusi kuinesimentu ida ne’e mos,  mak nia sei hakfilak o, sai fragmentu ida husi moris nia fuan.
Maibe, karik mak iha o nia tauk, o buka de’it mak domin nia damen no ksolok, nune’e diak liu mak o subar tiha de’it onia isin-molik ne’e no hakat sai husi domin ne’e,
hodi lao ba mundu ida be laiha razaun, iha ne’ebá o sei hamnasa, maibe laos ho o nia hamnasa tomak, no o sei tanis, maibe laos ho o  nia matan-been tomak. 

Tamba domin la fo buat ida maibe nia an rasik de’it no la simu mos buat ida.

Domin laiha hakarak atu sai nain no neen hakarak moos atu iha nain.
Tamba domin natoon ona ba domin.

No wainhira o hadomi, labele hateten “Maromak  iha ha’u nia fuan” , maibe, “Ha’u iha Maromak nia fuan”. 

No keta hanoin katak o mak hatudu dalan ba domin, tan, ba domin, se nia hare’e o merese duni, nia mak sei hatudu dalan ba o.  

Domin laiha tan dezeiju seluk ona maibé  atu realiza nia an rasik.
Maibe se o hadomi no sente tenke iha dezeiju, husik o nia dezeiju sira tenki sai hanesan ne’e:
Atu sai nabeen nudar mota-oan be haksulin ninia melodia ba kalan.
Atu hatene  susar husi laran-maus wain,
Atu sai kanek ho o nia kompreensaun rasik konaba domin,
no atu fakar raan ho haksolok.
Atu hadeer iha dadeersaan ho fuan naklekar no agradese ba loron domin ida tan;
Atu deskansa lesuk iha meudia hodi medita  konaba domin nia gostu;
Atu fila-fali ba uma iha rai-kalan ho haksolok;
 no atu toba dukur ho harohan ida iha fuan ba ida ne’ebe o hadomi,
no ho knananuk ida hahí hanai nian iha o nia ibun. 

Komentar

Posting Komentar

Postingan populer dari blog ini

Aprende husi Sócrates: Ta’es Dala Tolu

Gambar
Sócrates mak ema matenek-nain ida husi Igregu. Nia ema ida be naran boot tamba ninia kuinesementu no sabedoria ne’ebe klean.  Loron ida, iha mane ida mai hasoru malu ho Sócrates no hateten,  “Itaboot hakarak hatene saida mak ha’u foin rona konaba itaboot nia belun ida?’’ “Hein lai,” Sócrates hatán.   “Molok itaboot fo hatene ha’u konaba buat ruma, ha’u hakarak itaboot passa lai ezame kiikoan ida. Ezame ne’e hanaran Ta'es Dala Tolu. ” “Taes Dala Tolu?” Mane ne’e husu. “Loos,” Sócrates hatán.  “Molok itaboot hateten mai ha'u konaba ha’u nia belun, karik diak liu fó tempu uituan hodi ta’es lai buat ne’ebé itaboot atu hateten. Ida ne’e ha’u bolu dehan ezame ta’es dala tolu. Ta’es dahuluk nian mak LIALOOS . Itaboot garante ona katak buat ne’ebe itaboot atu hateten mai ha’u ne’e loos?" “Lae” mane ne’e hatán, “loloos ne’e ha’u foin mak rona no hakarak atu fo hatene ba ita.” “Diak,” Sócrates hatan.  ...
Baca selengkapnya

HONESTIDADE NE'E KARUN

Gambar
Honestidade ne'e karun la halimar! Atu sai onestu iha lialoos selu karun la halimar! Wainhira o lao tuir onestidade nia konselu O sei hetan ofende, odiu Ema dehan “O foti-an, O beik-teen, O lahatene-buat ida Sees tiha!” 'O keta santu demais', 'O keta inosente demais' 'Husik bosok mak manda atu buat hotu lao ba oin' 'O ne'e saida fali?' Loos duni maun alin... Bosok ne'e baratu no fasil no halo buat hotu la'o diak Ita hamnasa midar ba malu Ita bolu malu kolega Maibe se mak hakarak atu kastigu nia neon to'o mate? O ka ha'u? Maun alin... Onestidade ba lialoos ne'e karun Maibe nia mak fo liberdade ba moris! VZ, 24 Mar 2016
Baca selengkapnya

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia bel...
Baca selengkapnya