Galeria VZ

Iha tinan 2001 resin, tuir missa iha Igreja Katólika Parókia São Paulo Lospalos sempre uza lian Fataluku ba leitura introdusaun durante missa. Buat ne’ebé uniku tebes bele rona lian Tetun no lian Fataluku akompanha malu wainhira missa hahu to'o remata. Ema ne’ebé lee testu introdusaun ne'e sei hakat sa'e ba altar leten hodi hamriik iha ambaun oin no lee testu ne'e. Altar ne'e tamba harii aas entaun haree ba atu hanesan fali palku ida. Ha'u gosta tuir missa iha igreja ne’e dalaruma mos tamba parte úniku ida-ne'e. Lee leitura iha missa tempu ne'e sai hanesan atividade ida ne’ebé 'sadik' tebes ba sira ne’ebé tauk atu hare'e ema barak iha públiku. Ba sira ne’ebé toman ona ne'e atividade furak ida bele lee mensajen husi biblia ba ema hotu iha missa laran. Buat ne’ebé ema leitor ba leitura buka atu hasees an tebebes mak atu labele lee sala testu iha leitura tamba ema hotu sei konfundi no hamnasa no dalaruma padre ne’ebé rez

Nia naran Rita maibé ha'u sempre bolu nia biin Rita maski nia ne'e la'ós ha'u-nia biin rasik.  Tan nia idade boot liu ha'u ne'e mak mamá haruka ha'u bolu nia bin Rita.  Bin Rita mos laiha relasaun família ho ha'u. Nia ema husi Bobonaro no ha'u husi Baucau maibé destinu lori ami hela iha sidade Lospalos hodi sai vizinhu iha tinan 2001, wainhira Timor-Leste husik an ona husi Indonézia. Tempu ne'e bailoron hela iha Lospalos, mamá loke kios hodi faan sasan uituan iha uma-kios ida besik estrada bo'ot iha ami-nia uma oin. Uma-kios ne'e nia nain husik  hela iha krizi 1999 no ba tiha Kupang. La hatene loos sei fila ka lae.  Iha uma-kios ne'e nia kotuk iha ai-jambua huun rua be aas liu tiha uma-kios ne'e nia kakuluk be halo husi zinku.  Ai-jambua ne'e mos buras loos no fuan tebar. Iha ai-jambua ne'e duni mak ha'u kuinese bin Rita ba dala-uluk maski nia kuinese uluk ona ha'u husi kedas ha'u sei kiik.  Nia hakfodak h

Barbados Lily (Hippeastrum puniceum) Hippeastrum puniceum kuiñesidu ho naran Barbados Lily nudar aifunan murak ida husi jéneru (genus) botániku Hippeastrum ne'ebé pertense ba família Amaryllidaceae (Português: Amarilidaceas). Aihoris husi família ida-ne'e nia lalaok mak hare'e ba hanesan duut-tahan-naruk ho tahan hanesan ho surik (herbacea), moris ho tempu naruk bele to'o tinan (perenial) no iha  abut ho isin bubu-boot hanesan liis  isin (bulbo).   Pintura Amarylis reginae husi pintor Franses Pierre-Joseph Redouté (1802-16) Naran Amaryllis rasik foti husi naran karatér bibi-atan-feto ida iha poeta Romano Virgílio nia poezia 'Eclogues' maibe mos foti husi liafuan Igregu ἀμαρύσσω (amarysso) . Iha fonte seluk, sei liga mos ho mitu Igregu ne'ebe haktuir katak Amaryllis mak  nimfa (feto-ran ne'ebe bele nakfilak ba animal ruma) moedór ida ne'ebé gosta tebe-tebes bibiatan-mane ida naran Alteo, mane ne'e iha oin-bonitu no isin-forte mai

  Haree video ne'ebé oras ne'e viral ho títulu 'video edukativu-labele namora iha iha fatin publiku' husi PNTL DPKN (la hatene ofisial duni ka lae) ne'e halo ha'u kestiona fali kona-ba objektivu namora no iha tempu hanesan fó hanoin hikas mos ha'u ba Frater Anton, manorin lisaun relijiaun katólika wainhira ha'u sei SMP kelas 2 (8 ano).  Desde loron dahuluk nia tama iha aula laran, fofoun ami hotu hakfodak haree nia aparensia. Nia ema ida isin-boot, ain aas, oin kabuar no oklu mutin ne'ebé nia uza halo nia atu hanesan fali Giant iha serial Doraemon. Sente komik, ami kebit malu hamnasa maibé kuriozu mos karik nia mos manorin siakteen ida. To'o nia koalia introduz an mak ami hotu hanesan hipnotizadu wainhira. Nia koalia ho lian mamar sutake Javanés no mane sira be bainbain gosta abuza manorin sira mos derepente hateke metin de'it hodi husik nia koalia. Iha Lospalos, Frater balun husi komunidade Salezianu mai hanorin iha esk

Mai ho isin tanan liman mamuk Sei moris naha oioin tula ba nia leten. Loron ida nia sei fila-fali ba nia uman loloos. Karik nia sei lori naha hirak ne'e hotu? Ka... husik hela Buat hotu Iha ne'e. Nune'e Mak nia bele fila ho isin no laran kmaan? 27 Jullu 2019

Maria no Marta Yin no yang Noin no neon Katedràl Villa-verde, 21/7/2019

Loraik ida iha fulan Juñu, ha'u dezaraska buka alin-feto ida naran Mazia ne'ebé ha'u atu hasoru hodi entrega livru ida ba nia liman. Ami haruka mensajen ba malu iha messenger antes atu hasoru malu no nia hakerek dehan "ha'u sei tuir hela formasaun iha palapasio. Atu besik hotu ona.   Mana bele mai de'it iha ne'e ka?"  Hakerek tiha liafuan "bele" nodi hatan ba nia, ha'u mós aranka dadaun ba sa'e mikrolet 010 no tuun iha tasi-ibun àrea Palácio do Governo (ha'u la dekor nia naran foun be foin inaugura ne'e). Tuur hateke tasi ibun, ha'u haruka tan mensajen ba Mazia.  "Ha'u iha ona palásio oin, alin iha ne'ebé?"  Liutiha minutu lima, ha'u simu resposta. "Mana ha'u sai mai estrada boot maibé mana laiha." "Alin, ha'u iha hela Palácio Governo oin ne'e. Ha'u la haree ita iha estrada. Ita tuir formasaun iha ne'ebé?" ha'u hatán. "Ooh mana, ha&

Waktu masih anak-anak di zaman Indonesia tahun 1990an, serial Keluarga Cemara adalah salah satu serial populer yang sering saya tonton di RCTI setiap hari minggu siang di Lospalos. Berlatar belakang keluarga etnis Sunda,    serial ini adalah tentang kisah sehari-hari keluarga Abah beserta istri dan ketiga anak perempuannya (Euis, Cemara dan Agil)  serta liku-liku kehidupan mereka yang sederhana. Pada beberapa episode (yang masih saja saya ingat secara samar) ada tiga adegan yang bagi saya rasanya masih saja menohok nurani sampai sekarang bila dikenang lagi. 1. Kue Ulang Tahun Ketika Ara (Cemara) dan Euis, kakak perempuannya berdagang opak dengan jalan kaki sepanjang jalan kota lalu Ara seketika berhenti di depan sebuah toko kue untuk memandang sebuah kue ulang tahun yang sudah terpajang cantik dibalik etalase kaca toko kue tersebut. Hari itu ulang tahun Ara dan ia berharap bisa merayakan ulang tahun dengan kue itu. Euis yang sudah berjalan duluan menengok ke belakang mencari A

Ha'u iha ne'e O iha ne'e Dadalia kona-ba lia ko'alia rona fihir sente ita rua  troka malun hamutuk Ohin Black Rock, Marsu/2019

Loro-kraik ne’e Bolu Ita Ho laran maus Iha Monok Toka Ba Ita Neon Ninia Kores Múzika Nabilan Kahur Nakukun Ita Neon Villa-verde, 2019

Ita mak britas Namkari iha raihenek  Hasoru laloran nia rein bokon been rahun mout uut ...    Lauhata, Marsu/2019