Postingan

Menampilkan postingan dari Maret, 2016

Ha’u Hanoin....Afinal (Parte 5)

Gambar
 Parte 5   Husik Liu Iha loron ne'e udan tau makaas no halo rai malirin. Tuur iha jardin kolejiu nian halo ha'u senti malirin ne'e borus loos kedas ha'u fuan be satiadu hela tan akontesementu horiseik nian. ''Lina, to'o ona. Keta muron hanesan ne'e tan. Orsida o nia oin aat ona mak ne'e. " Izza hamaus nafatin ha'u maibe ha'u la aguenta duni. Ha'u senti ha'u nia matan manas loos. "Izza, ha'u nunka hetan ema joga ha'u aat hanesan ne'e, depois iha loron Valentine tan. Imajina to'ok, horseik ha'u mak iha neba tuur bilan mes-mesak hein nia to'o loraik nia la mosu deit? Ne'e aat tebes pah." Izza dada iis deit hodi kaer metin ha'u nia kaba'as. 'Ok Lina, ha'u komprende sa mak o senti agora. Ha'u hatene ne'e aat loos. Maibe o tenki simu ida ne'e nu'udar lisaun ida. Iha tempu oin mai o tenki kuidadu ho mane ruma ne'ebe hakarak hakbesik o. To

Ha’u Hanoin....Afinal (Parte 4)

Gambar
Parte 4 Valentine ho nia.  Wainhira ha'u dehan hakarak sai o nia belun, dalaruma ha'u nia fuan mos hakarak habelun ho o  ***** -Laiha buat ida mak hanaran estranjeiru, buat ne'ebe iha mak belun ne'ebe ita lada'uk hasoru. - -- Anonimu  Ha'u hamnasa midar tiha wainhira lee mensajen husi Gil ho liafuan sitadu  hatudu iha ha'u nia ekran telfone. Izza hateke ha'u doko ulun de'it. "Hmm, komesa hamnasa mes-mesak de'it ona mak ne'e. Ne'e kal mensajen oan ne'e lori liafuan todan karik..." Ha'u hamnasa de'it hateke Izza ne'ebe goza ha'u maibe iha ha'u nia laran la hatene tansa ha'u sente naklekar tebes. Loos duni katak loron hirak ne'e ha'u hare'e Gil nu'udar ema estranjeiru ida ne'ebe fuik no leet mai ha'u, maibe se ha'u ho nia bele sai belun, konserteza ami la'os ona sai estranjeiru ne'ebe hare'e malu hanesan ema fuik leet. "Izz

Ha’u Hanoin....Afinal (Parte 3)

Gambar
  Parte 3 Bainhira? "Ha'u fuan hein hela momentu ne'ebe o promete..." ' Lina...oinsa mak o bele rende tiha de'it nune'e?' Izza hakfodak hodi hateke meti-metin ha'u ho espressaun la fiar hafoin ha'u konta akontesimentu hodikalan nian. Ha'u fo sinal atu nia hatuun nia lian tan ami iha hela sala biblioteka nia laran. 'Izza, ko'alia neneik uituan ba. Orasida ema hotu rona ona mak ne'e. Be ha'u koalia sai tiha ona ne'e. Ha'u koko  trata no hakilar ona nia maibe nia mos la rende ida. Tuir o nia hanoin se nia jeitu hanesan ne'e, ne'e mane ne'ebe di'ak ka lae?'  Ha'u husu fali nia hodi haloot livru sira ne'ebe ami foti husi armariu. Agora ami tuur iha meza kabuar ida iha sala estuda nian. 'Linaa, ha'u laos peritu konaba mane maibe ha'u kuinese ona mane barak no sira nia maneira. Ba ha'u, o nia kazu uniku uituan. Maibe, ha'u sujere o la bele fiar lala

Ha’u Hanoin....Afinal.... (Parte 2)

Gambar
Parte 2   Nia Naran Gil  "Habelun mak hahu husi relasaun ida" 'Haloooo.... bondia'. Ha'u hasee kolega eskola sira ne'ebe to'o uluk ona iha area kolejiu nian. Izza  la'o hakat mai hasoru ha'u fo rein iha hasan sori-sorin. Ema hirak ne'ebe hare'e ami nain-rua nia jeitu bele hanoin katak ami foin hasoru malu afinal ami foin halo belun semana tolu. Izza ema ne'ebe kapaas tebes atu habelun ho. 'Izza, ha'u konta buat ida ba o lai doben'. Ho entusuasmu boot ha'u dada Izza ba tuur iha fatin mamuk ida iha baranda eskola nia kantu. Ha'u konta tuir akontesimentu hodikalan nian no nia sente kurioza tebes rona ha'u nia istoria. 'Nune'e fali ka Li? Ema ne'e mos oinseluk ee. Maibe oinsa mak nia bele hetan o nia numeru telfone nomos hatene tan o nia naran? Oinseluk duni pah....' Izza husu fali ha'u ho matan fukun namkurut maibe ha'u hiit deit kaba'as. 'Hmm, dalaruma ita nia

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia belun sai bilaan ba momentu

Batar Da’an no Saudades Uma…

Gambar
Ha’ u tau istoria ida ne’e tan hanoin hetan fali belun ida nia esperensia konaba nia moris iha   nia viajen buka matenek nian.  Ha’u nia belun ne’e mai husi fatin ida ne’ebe iha rai bokur no matak. Nia inan-aman serbisu nudar agrikultor hodi halo toos no natar. Iha tempu bailoron, hafoin fila husi eskola nia no nia alin sira ajuda sira nia inan-aman hodi hamoos to’os prepara ba tempu kuda batar. Wainhira to’o tempu udan, sira ba hamutuk fali hodi kuda batar no dalaruma sira lori hahan husi uma hodi han hamutuk   hafoin serbisu iha to’os ne’e.  Tama eskola sekundaria, tan hahu hetan belun barak ne’ebe balun moris diak uituan, nia hahu senti katak la duun furak ona ba nia atu halo serbisu iha to’os no nia hahu hakarak atu sai hanesan nia kolega sira seluk hodi la’o pasiar, ransu no hasoru malu hodi konta istoria.    Iha meudia ida wainhira fila husi eskola, to’o iha uma, nia hamlaha teb-tebes. Wainhira haree ba hahan iha meza leten nia hetan deit batar daan iha ne’eb

Aifunan Daruak (Parte 1)

Gambar
PARTE I Autor: VZ Oras hatudu ona besik tuku sanulu resin rua wainhira Liria remata hakerek karta elektroniku ka email ba nia xefi husi komputador marka Dell iha nia meza serbisu fatin. "Yap! Finalmente, konsege haruka duni!" Ho haksolok Liria lamas nia pasta no xavi odamatan eskritoriu nian hodi hakat sai lalais ba sala vizita no tau nia liman fuan boot iha ekraan kiikoan makina verifikador oras nian. Liu minutu  ida de'it, liafuan thank you mosu husi makina nia laran hodi hatudu katak Liria nia oras sai grava ona iha makina ne'e nia laran. Nu'udar funsionariu ne'ebe sai ikus, Liria tenki xavi odamatan. Hafoin nia hakat hodi la'o lalais ba to'o iha portaun boot hodi bele hein kareta iha estrada  boot. Taxi mamuk ida mai kedas hodi para iha nia oin no Liria sa'e kedas taxi ne'e hodi fo ordem ba sofer atu ba restorante ida iha Lecidere. "Agora, ha'e bele ba han meudia...". Tuir dalan telfone lian no

Kalan

Gambar
Kalan mak fulan nia hamahan fatin Fatin  nia hatuur an ho nia furak Furak be hafutar an iha naroman Naroman be leno kalan nia nakukun Nakukun be falun rai tomak Rai tomak be dukur no hadeer ho nia emar Emar be balun dukur balun hadeer Hadeer tan hakmatek ladauk hakonu neon Neon be nakonu ho  hanoin naha Naha be todan no kmaan husi horseik no aban nian. VZ Dili 5 Janeiru 2015

Mamuk

Gambar
Tansa fuan ne'e sente mamuk tebes? Afinal furak hotu hamaluk hela nia? Iha ko'alia no hamnasa ho habelun sira Maibe iha de'it mak laran-mamuk   Iha nakrotok nia leet Ha'u senti buat hotu monok Iha monok nia leet  Ha'u rona nakrotok hakilar Hamnasa midar hafutar iha ha'u  oin Maibe tanis no halerik hakonu ha'u neon   Oh ha'u fuan nia M anan-nain.... Sa  mak o tau ona mai ha'u? Nodi ha'u susar atu fila kotuk?   Iha ne'ebe de'it mak ha'u iha Ba ne'ebe deit mak ha'u hakat  O nia lalatak de'it mak iha ne'eba Ho liman nakloke hein ha'u atu hakonu ho hakuak Oh ha'u fuan nia doben... Bainhira loos milagre bele loke matan tan ba ita? Tan ha'u laran sente namlaik Hodi titu bebeik hein ne'e.... Husi: VZ  Dili, 18 Dezembru 2014

Ha’u Hanoin....Afinal (Parte 1)

Gambar
Fonte: Google pics Autor: VZ Moris hanesan aventura foun ida ba Lina wainhira nia muda ba sidade kapital hodi hahu nia estudu iha universidade. Iha kalan ida, misscall ida husi mane ne'ebe deskuinesidu hahu bo'ok Lina nia moris ne'ebe la'o normal sai kores oioin. Ikus mai  ligasaun intensivu husi telfone ne'e halo Lina senti katak nia iha sentimentu diferente ba mane deskuinesidu ne'e, ne'ebe ikus mai hatudu an ho naran Gil . Nune'e relasaun ne'ebe hahu husi misscall ne'e kontinua nafatin hafurak Lina nia moris to'o tempu ida wainhira Lina deskobre Gil nia objektivu loloos.

PUIZIA BA ANJU OAN IDA

Nia mak anju oan be kmanek Ida be Nai haruka husi lalehan Nudar prezenti ba hirak be Nia hili Hafoin fulan sia nia hein ho hakmatek Tuir loloos.. Oras ne’e nia dukur hela iha bersu laran Nia sei tanis wainhira hamlaha no hamrook Nia sei hamansa wainhira halimar Nia sei simu rein no deut wain iha nia hasan Tan ema hotu sei hahi nia prezensa Tuir loloos… Nia matan sei hare’e mundu nia furak oioin Nia sei senti kaer no book horikleun haleu nia Nia sei buras no boot tuir tempu No sei aprende ho monu no hamriik Maibé… Ninia destinu la’o oinseluk Iha bee fo’er baleta sidade nia laran nia toba Ho iis be laek ona, mesa-mesak.. Hamutuk ho nakukun kalan Nia halerik iha matan been be maran tiha ona To’o rai naroman.. Nia sai de’it ona istoria ba sidade Kuitadu atan anju kiikoan… Iha momentu balun de’it nia leet O nia prezensa hakotu de’it nune’e Tan ema hirak be laiha neon , o sai vitima Oras ne’e, husik o dukur iha kadunan santu ne’ebá Hamutuk ho moris nia Na

Dália (Parte 2)

Gambar
Rezultadu Ezame. “Ha’u liuuuuu!!!!!!” Dália la bele tahan ninia kontente wainhira loke envelope rezultadu ezame nian no hare’e hetan liafuan ‘ APROVADO’ hakerek iha ne’ebá . Nia tuur la hakmatek no hakarak loos atu fila ba uma lalais hodi fahe ksolok ne’e ho nia mamá. To’o iha uma, Dália ba kedas buka nia mamá iha dapur . “Mamáa…. Mai hare’e lai ida ne’e. Ha’u kontente loos!” Dália hateten nune’e hodi hakuak metin nia inan “Nusa ne’e…….? ” Señora Amélia hateke nia oan feto ho bilaan. “Mamá haluha ona ka? Ohin ha’u simu rezultadu ezame final nian no ha’u liu mamá. Hare’e to’ok iha surat ne’e.” Dália hatudu surat ne’ebé nia hasai husi envelope mutin hodi fó ba nia mamá atu hare’e. “Parabeens noi, mamá kontente ho o. O bele duni.“ Señora Amélia fihir Dália ho orgullu. Derepente lian ida bolu ho makaas husi uma laran. “Amélia!!! Hahan pronto ona ka seidauk?! Imi halo hela saida mak oras hanesan ne’e ita seidauk han meudia ?” Afinál Abo Luis mak bolu. Señora

Ha’u Inan Doben

Ba o ha’u inan doben Wainhira loro-matan fanun o Loke tiha o nia janela no hateke netik lai ba nia roman furak Tan esperansa ohin nian pinta hela iha ne’eba Keta husu bebeik llalaok susar ohin loron ba nia Tan nia sei dehan ‘Ina, moris ne’e sempre fo surpreza...’ Wainhira o rona manuliin hananu hodi semo ba mai Keta husu sira konaba lia horiseik nian Tan sira sei dehan ‘Ina, buat hotu liu tiha ona..’ Wainhira o hare’e loro-matan monu ona Keta halerik bebeik konaba sa mak loron-aban sei lori Tan nia sei hateten ‘ina, loron-aban se mak hatene?’ Wainhira rai kalan nia malirin kili o Keta husu nia tansa moris ne’e sai nune’e Tan nia sei dehan ‘ina, to’o ona mai ha’u hakuak o iha dukur mehi nian’ Ha’u inan doben Buat hotu sei hetan nia roman Husik o nia an halimar lai ho hakmatek neon Tan husi dook ha’u neon harohan nafatin ba o.      Vitalia Ze , Dili, 17 Febreiru 2016. Puizia ne’e inspira husi ha’u nia inan doben ne’e loron kalan nia domin

Aman-katuas Ida ho nia Oan-mane

Mane ida ho tinan 40 ona, hakarak vizita nia aman ne’ebe kleur ona nia la hare’e no hakarak lori netik nia aman ba pasiar. Sira la’o ba jardin ida iha sidade laran no tuur iha banku-ai ida iha ne’ebá. Wainhira oan-mane ne’e lee hela jornal, nia aman hateke ba paisajen haleu sira ho matan be malahuk ona tan nia idade besik 85 ona. Teki-tekir, buat ida book an iha aifunan sira nia leten, nune’e aman-katuas ne’e husu ba nia oan-mane: “Oan, ne’ebá saida mak ne’e?” Nia oan-mane hateke liu de’it ba ai-funan sira ne’e no kontinua lee fila-fali jornal hodi hatan: “Ne’e manuliin ida, Papá..” Aman-katuas ne’e kontinua hateke tuir manuliin ne’e nia movimentu hodi husu tan ba dala ida; “Oan, hare’e to’ok saida mak ne’e?” Ho oin xatiadu uituan uituan, oan-mane ne’e hatán ho hirus: “Aipah! Ha’u dehan tiha ona papá, ne’ebá ne’e manuliin ida!” Liu minutu balun, manu-liin seluk semo fali mai besik sira no aman-katuas ne’e husu tan dala ida hodi hatudu ba manuliin: “Oan, mai hare’e to’o

Dália (Parte 1)

Mehi Oan-feto ida nian.  Rai sei dadeersaan malirin wainhira Dália hadeer ona hodi dasa rai iha uma oin ne’ebé nakonu ho hali tahan be monu namkari husi nia huun. Señora Amélia, Dália nia inan, mos okupadu hela iha dapur laran hodi tau ahi atu prepara bee manas no matabisu dadeer nian. Señora Amélia feto ida ne’ebé badinas no sempre hadeer sedu hodi halo serbisu uma laran no ida ne’e mak Dália aprende hodi banati tuir. “Dália… se dasa fo’er hotu ona entaun hare’e ba hariis ona. Ohin ezame loos?” Dália hateke ba nia inan ne’ebé taes hela bee manas ba termu bee manas nian hodi hatán ho doko ulun de’it. Afinál nia mamá nota hela ninia preokupasaun katak nia tenki ba sedu tamba ohin ezame nasionál no oras hahu ezame sedu liu minutu tolunulu ho oras eskola baibain. “Mamá, se ohin la ezame ha’u sei bele hela kleur uituan tan atu ajuda mamá….” Dália hateten ba nia mamá hodi rai hela ai-saar iha dapur oin no hateke nia mamá hodi hanoin tebes nia, tan ohin nia mamá sei hala’o s