KUMPRIMENTUS HUSI BIRMINGHAM (Parte 1)
"Kalan diak maun Vir, diak ka lae?"
.......
Hein katak maun diak de'it iha ne'eba.
.......
Maun Vir to'o tiha ona iha Inglaterra ka?
........
Oinsa sidade ida maun atu hela ba ne'e?
........
Ha'u fiar konserteza furak loos.
........
Ha'u hein bele rona maun Vir nia istoria sira.
......
Chaoooo...."
.........
Fulan ida ona mak ha'u loke testu mensajen ne'e fila ba mai iha ha'u nia inbox FB . Maibe, ha'u nia liafuan mesak de'it mak iha ne'eba no laiha liu resposta husi ema ne'ebe ha'u haruka mensajen ne'e, nia mak maun Virgilio alias maun Vir.
(Flashback....)
Maun Vir mak mane ida be ha'u fuan admira tebes husi kedas ha'u sei kiik. Nudar oan feto mesak ikun ho maun boot nain-rua, maun Carlos no maun Paul be liu tinan neen no sanulu ba ha'u, ha'u sempre manan ema hotu nia fuan waihira hakarak buat ruma iha uma.
Wainhira ha'u tama eskola primaria ba dala-uluk, maun Carlos no maun Paul tenki fahe-malu ho ha'u tamba papa no mama hatama sira iha eskola seminariu minor no eskola tekniku be dook husi kapital. Tan papa no mama mesak okupadu ho serbisu, hafoin semana ida akompanha ha'u ba eskola, dadeer ida mama introduz ha'u ba labarik mane ida be tinan boot liu ha'u uituan no mama dehan nia naran Vir no nia bizinhu ho ami. Mama dehan, ba oin ha'u tenki brani ba eskola mesak no maun Vir mak sei la'o hamutuk ho ha'u. Fofoun ha'u tauk no triste atu lakohi ona eskola, maibe hafoin mama hamaus bebeik ha'u, pasiensia ha'u hakarak de'it ona.
Ha'u nia eskola laduun dook, maibe tenki korta dalan no kareta ho motor dalaruma halai ba mai estrada. Ha'u tauk liu wainhira korta dalan, maibe maun Vir mak kaer ha'u nia liman hodi lori ha'u korta dalan. Husi ne'e ha'u komesa tau fiar ba maun Vir katak nia labarik ne'ebe diak. Maun Vir tau matan mai hau ho diak tebes, iha eskola nia nunka husik ema ruma book ha'u. Nia sempre hein ha'u waihira sai eskola eh haruka ha'u hein nia karik sai uluk. Tempu la'o dadaun, ha'u toman loos maun Vir no senti seguru liu ho nia to'o remata ensino baziku durante tinan sia. Durante tinan hirak ne'e mama mak fo fiar ba maun Vir atu la'o hamutuk no akompanha ha'u.
Maun Vir laos de'it ona hanesan bizinhu baibain maibe nia hanesan ami nia familia. Maun Vir moris ho nia mama no alin nain tolu feto rua mane ida naran Marcia, Allu no Joel. Sira familia simples liu no moris nudar oan kiak tan nia aman mate ona durante tempu Indonezia. Maski sira simples no kiak ha'u gosta ba halimar ho sira.
Iha meudia ida, ha'u ba maun Vir nia uma atu halimar ho sira. To'o iha ne'eba hetan maun Vir fo han hela Joel be foin tinan ida, enkuantu nia alin Marcia no Allu han fahe malu etu maran husi bikan ida. Sira mesak iha uma tan sira nia mama sai hela.
"Maun Vir han ona?" Ha'u husu maun Vir maibe nia nonook tiha mak hatan sim. Maibe ha'u hare'e nia oin kamutis hela no kaer hela kabun. Ha'u bele nota saida mak nia sente. Ha'u sai lalais hodi hakat ba ha'u nia uma ne'ebe baliza deit ho Moru. La kleur ha'u to'o fali ona iha sira nia uma ho etu no modo iha ranta natoon rua. Maun Vir hakfodak ho buat ne'ebe ha'u lori.
"Lalika ida Nina, orsida o nia mama siak o. Ha'u diak hela." Ha'u triste rons Maun Vir lakohi atu simu buat ne'ebe ha'u lori.
"Se maun Vir lakohi simu no lakohi han, ha'u sei hein iha ne'e to'o maun Vir nia mama mai!" Ha'u hein ho la rende no hateke metin nia ho ranta iha hau nia liman ne'ebe todan no manas hela.
Ikus mai maun Vir rende no simu duni hahan husi ha'u. Nia fahe hahan ne'e ho nia aljn sira no sira han hamutuk ho ksolok. Loraik ne'e ha'u halimar ho kontente hamutuk ho sira.
To'o eskola sekundaria, ami nafatin estuda iha eskola ne'ebe hanesan maski Maun Vir ha'u nia senior no tuur iha klasse 3 enkuantu ha'u tuur iha klasse 1. Iha tempu ne'e ami laduun hasoru malu ona no husi ne'e mak ha'u hahu senti katak iha buat ida mak falta tebes waihira loron ida la hetan maun Vir. Saida mak ne'e? Sera ke ne'e mak dehan saudades? Ka ida ne'e mak ema dehan domin?
Iha tempu hanesan ne'e ha'u nia kolega sira hahu konta konaba sira nia doben no mane sira. Sira mos husu konaba ha'u nia doben mak se maibe ha'u lahatene atu hatudu se. Laiha mane diak ida ne'ebe ha'u bele kompara ho nia. Maibe oinsa hau hateten ba nia? Sera que nia sei hadook an husi ha'u eh besik liutan? Ahh, nusa susar nune'e? Karik nia mos sente hanesan?
"Nina, Nilson husi klasse 2 fo liamenon. Nia hakarak hasoru malu ho o orasida hafoin eskola sai." Zizi hateten mai ha'u hamnasa no hau hatene katak ne'e sinal ida katak Zizi mak aranja ona ho Nilson atu ami hasoru malu. Nai, ha'u tauk no nakdedar fali. Ida ne'e ba dahuluk ha'u sei hasoru malu ho mane ida mes-mesak hodi prova ba ha'u nia kolega katak ha'u fetoran ona no tenki tama prosesu namora. Nai ha'u tauk fali...
'Tenggg, Tenggggg, Tengggggg, Tenggggg....'
Sinu eskola dere ona maibe nia lian hanesan dere rahun ha'u nia fuan be baku makaas tan grogi. Leny dehan Nilson hein ha'u iha portaun eskola oin nia kantu ho nia motor. Nilson mak mane nebe famozu iha eskola tamba nia jogador tebe bola husi ekipa eskola nuan maibe hau la laran metin katak hau bele kolega ho nia.
Ho nakdedar, ha'u sai hodi buka tuir nia iha fatin prometidu maibe nia laiha ne'eba nunee mos nia motor. Derepente ha'u nia nakdedar semo lakon maski hau laran-husuk tansa nia laiha ne'eba?
Ha'u hein kuaze minutu tolunulu no sente baruk los ona atu hein.
Wainhira atu hakat ona, ha'u hasoru loos maun Vir iha portaun, ami nia hateke hasoru kedas iha ne'eba no sentimentu estranhu ne'e kili tan ha'u nia kabun hodi hakat besik liutan ba nia. Hateke besik nia mak ha'u hakfodak haree katak maun Vir nia rentos iha fitar metan no ran uituan sei sai husi nia inus.
Ha'u hasai kedas lensu hodi taka ba nia inus be ran hela ne'e. Hamriik besik loos ho nia sente oinseluk loos. Nonook ataka ami durante segundu balun maibe Maun Vir fo nia liman hodi kaer rasik lensu ba nia inus no para kedas taxi ida hodi haruka ha'u sa'e maibe nia la tuir ha'u no haruka taxi halai dadauk ona. Ha'u hateke nia met-metin husi vidru ho nonook maski Taxi lori ha'u halai dook ona. Ha'u sai konfuzaun ho maun Vir nia jeitu ohin. Nia la koalia buat ida no hanesan hirus loos. Karik hirus, hirus ba se? Saida mak akontese? Maun Vir baku malu ho se? Ka monu? Tamba sa?
Dili 12 Oct, 2015.
.......
Hein katak maun diak de'it iha ne'eba.
.......
Maun Vir to'o tiha ona iha Inglaterra ka?
........
Oinsa sidade ida maun atu hela ba ne'e?
........
Ha'u fiar konserteza furak loos.
........
Ha'u hein bele rona maun Vir nia istoria sira.
......
Chaoooo...."
.........
Fulan ida ona mak ha'u loke testu mensajen ne'e fila ba mai iha ha'u nia inbox FB . Maibe, ha'u nia liafuan mesak de'it mak iha ne'eba no laiha liu resposta husi ema ne'ebe ha'u haruka mensajen ne'e, nia mak maun Virgilio alias maun Vir.
(Flashback....)
Maun Vir mak mane ida be ha'u fuan admira tebes husi kedas ha'u sei kiik. Nudar oan feto mesak ikun ho maun boot nain-rua, maun Carlos no maun Paul be liu tinan neen no sanulu ba ha'u, ha'u sempre manan ema hotu nia fuan waihira hakarak buat ruma iha uma.
Wainhira ha'u tama eskola primaria ba dala-uluk, maun Carlos no maun Paul tenki fahe-malu ho ha'u tamba papa no mama hatama sira iha eskola seminariu minor no eskola tekniku be dook husi kapital. Tan papa no mama mesak okupadu ho serbisu, hafoin semana ida akompanha ha'u ba eskola, dadeer ida mama introduz ha'u ba labarik mane ida be tinan boot liu ha'u uituan no mama dehan nia naran Vir no nia bizinhu ho ami. Mama dehan, ba oin ha'u tenki brani ba eskola mesak no maun Vir mak sei la'o hamutuk ho ha'u. Fofoun ha'u tauk no triste atu lakohi ona eskola, maibe hafoin mama hamaus bebeik ha'u, pasiensia ha'u hakarak de'it ona.
Ha'u nia eskola laduun dook, maibe tenki korta dalan no kareta ho motor dalaruma halai ba mai estrada. Ha'u tauk liu wainhira korta dalan, maibe maun Vir mak kaer ha'u nia liman hodi lori ha'u korta dalan. Husi ne'e ha'u komesa tau fiar ba maun Vir katak nia labarik ne'ebe diak. Maun Vir tau matan mai hau ho diak tebes, iha eskola nia nunka husik ema ruma book ha'u. Nia sempre hein ha'u waihira sai eskola eh haruka ha'u hein nia karik sai uluk. Tempu la'o dadaun, ha'u toman loos maun Vir no senti seguru liu ho nia to'o remata ensino baziku durante tinan sia. Durante tinan hirak ne'e mama mak fo fiar ba maun Vir atu la'o hamutuk no akompanha ha'u.
Maun Vir laos de'it ona hanesan bizinhu baibain maibe nia hanesan ami nia familia. Maun Vir moris ho nia mama no alin nain tolu feto rua mane ida naran Marcia, Allu no Joel. Sira familia simples liu no moris nudar oan kiak tan nia aman mate ona durante tempu Indonezia. Maski sira simples no kiak ha'u gosta ba halimar ho sira.
Iha meudia ida, ha'u ba maun Vir nia uma atu halimar ho sira. To'o iha ne'eba hetan maun Vir fo han hela Joel be foin tinan ida, enkuantu nia alin Marcia no Allu han fahe malu etu maran husi bikan ida. Sira mesak iha uma tan sira nia mama sai hela.
"Maun Vir han ona?" Ha'u husu maun Vir maibe nia nonook tiha mak hatan sim. Maibe ha'u hare'e nia oin kamutis hela no kaer hela kabun. Ha'u bele nota saida mak nia sente. Ha'u sai lalais hodi hakat ba ha'u nia uma ne'ebe baliza deit ho Moru. La kleur ha'u to'o fali ona iha sira nia uma ho etu no modo iha ranta natoon rua. Maun Vir hakfodak ho buat ne'ebe ha'u lori.
"Lalika ida Nina, orsida o nia mama siak o. Ha'u diak hela." Ha'u triste rons Maun Vir lakohi atu simu buat ne'ebe ha'u lori.
"Se maun Vir lakohi simu no lakohi han, ha'u sei hein iha ne'e to'o maun Vir nia mama mai!" Ha'u hein ho la rende no hateke metin nia ho ranta iha hau nia liman ne'ebe todan no manas hela.
Ikus mai maun Vir rende no simu duni hahan husi ha'u. Nia fahe hahan ne'e ho nia aljn sira no sira han hamutuk ho ksolok. Loraik ne'e ha'u halimar ho kontente hamutuk ho sira.
To'o eskola sekundaria, ami nafatin estuda iha eskola ne'ebe hanesan maski Maun Vir ha'u nia senior no tuur iha klasse 3 enkuantu ha'u tuur iha klasse 1. Iha tempu ne'e ami laduun hasoru malu ona no husi ne'e mak ha'u hahu senti katak iha buat ida mak falta tebes waihira loron ida la hetan maun Vir. Saida mak ne'e? Sera ke ne'e mak dehan saudades? Ka ida ne'e mak ema dehan domin?
Iha tempu hanesan ne'e ha'u nia kolega sira hahu konta konaba sira nia doben no mane sira. Sira mos husu konaba ha'u nia doben mak se maibe ha'u lahatene atu hatudu se. Laiha mane diak ida ne'ebe ha'u bele kompara ho nia. Maibe oinsa hau hateten ba nia? Sera que nia sei hadook an husi ha'u eh besik liutan? Ahh, nusa susar nune'e? Karik nia mos sente hanesan?
"Nina, Nilson husi klasse 2 fo liamenon. Nia hakarak hasoru malu ho o orasida hafoin eskola sai." Zizi hateten mai ha'u hamnasa no hau hatene katak ne'e sinal ida katak Zizi mak aranja ona ho Nilson atu ami hasoru malu. Nai, ha'u tauk no nakdedar fali. Ida ne'e ba dahuluk ha'u sei hasoru malu ho mane ida mes-mesak hodi prova ba ha'u nia kolega katak ha'u fetoran ona no tenki tama prosesu namora. Nai ha'u tauk fali...
'Tenggg, Tenggggg, Tengggggg, Tenggggg....'
Sinu eskola dere ona maibe nia lian hanesan dere rahun ha'u nia fuan be baku makaas tan grogi. Leny dehan Nilson hein ha'u iha portaun eskola oin nia kantu ho nia motor. Nilson mak mane nebe famozu iha eskola tamba nia jogador tebe bola husi ekipa eskola nuan maibe hau la laran metin katak hau bele kolega ho nia.
Ho nakdedar, ha'u sai hodi buka tuir nia iha fatin prometidu maibe nia laiha ne'eba nunee mos nia motor. Derepente ha'u nia nakdedar semo lakon maski hau laran-husuk tansa nia laiha ne'eba?
Ha'u hein kuaze minutu tolunulu no sente baruk los ona atu hein.
Wainhira atu hakat ona, ha'u hasoru loos maun Vir iha portaun, ami nia hateke hasoru kedas iha ne'eba no sentimentu estranhu ne'e kili tan ha'u nia kabun hodi hakat besik liutan ba nia. Hateke besik nia mak ha'u hakfodak haree katak maun Vir nia rentos iha fitar metan no ran uituan sei sai husi nia inus.
Ha'u hasai kedas lensu hodi taka ba nia inus be ran hela ne'e. Hamriik besik loos ho nia sente oinseluk loos. Nonook ataka ami durante segundu balun maibe Maun Vir fo nia liman hodi kaer rasik lensu ba nia inus no para kedas taxi ida hodi haruka ha'u sa'e maibe nia la tuir ha'u no haruka taxi halai dadauk ona. Ha'u hateke nia met-metin husi vidru ho nonook maski Taxi lori ha'u halai dook ona. Ha'u sai konfuzaun ho maun Vir nia jeitu ohin. Nia la koalia buat ida no hanesan hirus loos. Karik hirus, hirus ba se? Saida mak akontese? Maun Vir baku malu ho se? Ka monu? Tamba sa?
Dili 12 Oct, 2015.
.jpg)
Komentar
Posting Komentar