Ha’u Hanoin....Afinal.... (Parte 2)


Nia Naran Gil

 "Habelun mak hahu husi relasaun ida"

'Haloooo.... bondia'.

Ha'u hasee kolega eskola sira ne'ebe to'o uluk ona iha area kolejiu nian. Izza  la'o hakat mai hasoru ha'u fo rein iha hasan sori-sorin. Ema hirak ne'ebe hare'e ami nain-rua nia jeitu bele hanoin katak ami foin hasoru malu afinal ami foin halo belun semana tolu. Izza ema ne'ebe kapaas tebes atu habelun ho.

'Izza, ha'u konta buat ida ba o lai doben'.
Ho entusuasmu boot ha'u dada Izza ba tuur iha fatin mamuk ida iha baranda eskola nia kantu. Ha'u konta tuir akontesimentu hodikalan nian no nia sente kurioza tebes rona ha'u nia istoria.

'Nune'e fali ka Li? Ema ne'e mos oinseluk ee. Maibe oinsa mak nia bele hetan o nia numeru telfone nomos hatene tan o nia naran? Oinseluk duni pah....'
Izza husu fali ha'u ho matan fukun namkurut maibe ha'u hiit deit kaba'as.

'Hmm, dalaruma ita nia kolega hamutuk iha aula ne'e mak hakarak joga o karik. Kuidadu mak ne'e. Keta fiar lai.' Izza nia sujestaun ne'e halo ha'u nafatin hateke nia ho espressaun  la satisfeitu.

'Maibe Izza, se ohin kalan nia telfone tan, ha'u tenki hatan oinsa?'

'Lina, lalika hatan tiha de'it. Depois nia rasik sei para misscal sah. Fiar ha'u.'

Nune'e konsulta ho ha'u nia belun diak Izza para iha ne'e tan oras aula nian hahu ona. Ohin loron ne'e ha'u la duun tuir aula ho diak tan kurioza ne'ebe sulan hela iha ha'u nia fuan konaba mane misteriozu husi telfone ne'e.

Iha loraik, wainhira oras rekreiu, hau buka tuir kolega balun ne'ebe baibain ha'u hatene gosta sai 'manu-talin' hanesan Dio, Amina, no Enni. Ha'u husu sira karik sira mak fo ha'u nia numeru telfone ba ema ruma maibe sira hotu hatan LAE  mai ha'u.

Ha'u fila ba uma ho laran-baruk tan la hetan pista ruma.

Kalan ne'e ha'u tuur halimar iha kuartu laran hanoin lesuk resposta saida mak ha'u sei fo wainhira nia telfone mai tan. Ha'u mos antisipa karik ha'u presiza trata no hakilar nia se ida ne'e presiza duni.

No derepente telfone mos lian kedas. Ha'u haree numeru ne'ebe mosu mak husi mane misteriozu ne'e duni. Ha'u fuan tuku-tuku ho laran-ruak atu simu ka lae. Maibe ha'u desidi atu hataan duni.

'Haloo, kalan diak.'
'Kalan diak Lina, diak ka lae?'
....
Ha'u para minutu balun hodi regula ha'u nia iis ne'ebe respira makaas tan nakdedar.

'Hai, ha'u diak...'
'Nusa Lina, ha'u senti o nakdedar hela. Ha'u nia lian furak liu karik?'
'Halo nusa ne'e? Ha'u la nakdedar ida! No ha'u seidauk dehan itaboot nia lian furak.'
'Oh deskulpa, ha'u halimar de'it keta hirus. Ha'u espera o diak de'it. Entaun, hau sei koalia to the point de'it. Oinsa resposta ba ha'u nia hahusuk hodikalan ne'e?

'Hahusuk? Hahusuk ida ne'ebe?'
'Lina.. Lina. Oinsa o bele sai haluha-door nune'e? Ha'u fiar o nia idade sei nurak maibe o haluha ona hanesan ferik-katuas sira'.
'Oinsa? Deskulpa maun eh se de'it mak ne'e. Se maun hakarak deit atu joga ha'u diak liu maun lalika telfone tan ha'u!'
'Oh..OK OK..., deskulpa Lina. Ha'u ko'alia halimar de'it, favor keta hirus no keta taka lai.
OK, Hahusuk ne'e mak ita rua bele sai belun ka lae? Favor hataan kedas agora. Pleaase...'

Oh afinal nia husu tan ida ne'e. Ha'u nia fuan tuku-tuku.

'Diak, ha'u sei hataan. Maibe, favor hateten itaboot nia naran mai ha'u'.

'OK Lina, tan o mak husu nune'e ha'u fo hatene ha'u nia naran. Ha'u naran Gil. Bolu de'it ha'u Gil. Agora o nia resposta Lina, ita bele sai belun ka lae?'

Oh afinal nia naran Gil.

'Gil, maibe molok ita rua sai belun oinsa ha'u bele fiar katak o ema ne'ebe diak atu habelun ho ha'u?'

'Lina..., o sei hatene hafoin ita rua sai belun.'

'Oinsa karik ha'u dehan lae?'
'Laiha buat ida se o dehan lae maibe o rasik mak sei hela ho kuriozu ne'ebe la kompletu nomos ho ha'u.'
Ha'u nonook. La fasil atu duni nia maibe derepente ha'u sente interesante ho nia  jeitu ne'e.

'Haloooo Lina, sei iha ne'eba tooo?'
'Sim, sim....Gil?'
'Sim Lina, halo favor fo o nia hatan mai ha'u agora atu ita ita rua ida-idak bele deskansa ona. Nune'e ita rua bele sai belun ka lae?'
Hafoin dada iis naruk, ha'u hametin ha'u nia neon hodi hatan SIM ba nia.
'Yesssss, obrigadu barak Lina. Aban ita kontinua. Agora kalan boot ona, no ha'u hatene o tenki deskansa ona ba o nia eskola aban. Kalan diak, toba diak no mehi furak ba.'
'Kalan diak Giil...'

Ligasaun kotu  husi Gill no hau laran-kamaan uituan ona. Maibe kuriozu ida mosu tan mai ha'u.
Oinsa mak nia hatene dehan aban ha'u eskola enkuantu ha'u seidauk dehan ha'u eskola hela?

Kontinua...............

Komentar

Posting Komentar

Postingan populer dari blog ini

Aprende husi Sócrates: Ta’es Dala Tolu

Gambar
Sócrates mak ema matenek-nain ida husi Igregu. Nia ema ida be naran boot tamba ninia kuinesementu no sabedoria ne’ebe klean.  Loron ida, iha mane ida mai hasoru malu ho Sócrates no hateten,  “Itaboot hakarak hatene saida mak ha’u foin rona konaba itaboot nia belun ida?’’ “Hein lai,” Sócrates hatán.   “Molok itaboot fo hatene ha’u konaba buat ruma, ha’u hakarak itaboot passa lai ezame kiikoan ida. Ezame ne’e hanaran Ta'es Dala Tolu. ” “Taes Dala Tolu?” Mane ne’e husu. “Loos,” Sócrates hatán.  “Molok itaboot hateten mai ha'u konaba ha’u nia belun, karik diak liu fó tempu uituan hodi ta’es lai buat ne’ebé itaboot atu hateten. Ida ne’e ha’u bolu dehan ezame ta’es dala tolu. Ta’es dahuluk nian mak LIALOOS . Itaboot garante ona katak buat ne’ebe itaboot atu hateten mai ha’u ne’e loos?" “Lae” mane ne’e hatán, “loloos ne’e ha’u foin mak rona no hakarak atu fo hatene ba ita.” “Diak,” Sócrates hatan.  “Se nune’e
Baca selengkapnya

KONABA DOMIN

Gambar
Obra Kahlil Gibran husi Livru O Profeta   Tradusaun livre ba lian Tetum husi Vitalia Ze Hafoin,   Al-Mithra hateten: Koalia to’ok mai ami konaba domin. No nia fila oin hodi hateke ba povu hotu iha ne’ebá be mohu iha nonook nia laran. Nune’e, ho lian makaas, nia hateten: Wainhira domin fo bodik hodi bolu o, tuir nia ba, maski ninia dalan sira mesak toos no   kroat. No wainhira ninia liras sira hakuak o, entrega o nia an ba nia, maski surik ne’ebe naksubar iha ninia liras leet   bele hakanek o. No wainhira nia koalia ba o, fiar ba nia, maski ninia lian bele harahun o nia mehi sira nudar anin tasi-feto be sobu-rahun jardiin. Nudar domin sei tau koroa ba o,   nune’e mos mak nia sei krusifika o. Nomós, nudar nia bele haburas o, nia mos bele hamenus o.   No nudar nia bele harii-an aas hanesan ho o no book o nia sanak sira be mamar   liu ne’ebe nakdedar iha Loro-matan okos, sei sai nune’e mos mak nia dada-tuun   o nia abut sira be metin i
Baca selengkapnya

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia belun sai bilaan ba momentu
Baca selengkapnya