TWISTED? (Parte 1)
Sala ATM maliriin ho fresku loos wainhira Nando tama iha neba atu
hasai osan. Nia foin halai fo volta dala 3 iha tasi ibun Palasio
Governu oin. Iha kaixa ATM haat iha ne'eba maibe ohin loraik ema laiha
exeptu Nando mesak. Enkuantu Nando buti hela butaun kodigu PIN ATM nian,
odamatan iha nia kotuk lian tan ema loke no maski la fila kotuk Nando
bele horon kona morin ne'ebe familiar husi perfume feto nian.
No loos duni, feto ida ho isin natoon ain aas, fuuk pinta kinur ho oklu reben mean, hatais kalsa jeans badak no kamizola mutin no tara pasta iha liman hamriik hela iha ATM ne'ebe tuir Nando. Feto ne'e okupadu koalia ho telfone nebe nia habit hela iha tilun no kabas. Susar atu Nando haree hetan nia oin ho momoos tan feto ne'e nia oklu be taka hela no nia fuuk mulatu husik hela deit. Nando konsentra fali ba ninia levantamentu ATM. La kleur deit, odamatan tarutu dala-ida tan no Nando haree katak feto ne'e mak sai uluk ona. Nando mos remata ho nia levantamentu ATM no atu fila ona maibe nia matan haree hetan buat ida tau hela iha kaixa ATM leten. Nando ba besik no haree katak telfone iphone ida mak iha ne'eba. Nia nota katak telfone ne'e mak ohin feto be fila uluk ona ne'e uza. Nando hanoin ho laran ruak atu foti eh husik hela deit maibe ikus mai nia desidi foti deit ona hodi hein atu fo hatene telfone nain ne'e.
Iha fatin seluk, Litta hakfodak hare'e katak nia telfone laiha pasta laran.
"Nai... hau rai lakon tiha deit ha'u nia telfone ne'e? Hau kala haluha lois iha nebe ne? Se mak hetan ona e?..." Litta hakaas atu hanoin hetan dala ikus nia uza telfone.
"Ah... husik ona ba. Importante hau nia telfone iha password, se deit mak hetan sei labele assesu dadus iha telfone ne'e."
Nunee, Litta mos husik tiha no deskansa dadauk.
Nando hateke telfone fila ba mai hodi hanoin hela karik nia bele haree telfone ne'e ka lae. Hafoin hakotu iha minutu balun, nia hahu book telfone ne'e atu hatene karik nia nain nia identidade ruma iha neba tamba too kalan ne'e seidauk iha ema ruma liga ba telfone ne'e hodi buka tuir. Hafoin book kois, ekran telfone hatudu imajen feto ida ho fuuk pinta kinur nebe hamnasa midar ho kmanek loos. Nando nia matan para haree imajen ne'e no senti nia fuan admira hela imajen ne'e. Nando koko atu loke telfone maibe nia labele tanba telfone husu password no nia la hatene. Iha nia laran, Nando gaba tiha feto ne'e tan nia laos deit bonita maibe matenek hodi xavi tiha nia telfone nunee ema seluk la bele aseseu exeptu nain deit. Nando, kaer telfone ne'e ho hamnasa midar. Agora nia kuriozu hakarak atu hatene feto ne'e se.
-"Boanoite Nando, diak ka lae? Ha'u rona o fila ona husi Indonesia ka? Ha'u saudades loos hakarak ita hasoru malu. Istoria barak mak hau hakarak rona husi o. Bainhira mak iha tempu? Kumprimentus. Zinha."-
Zinha hamnasa midar tiha no sente kmaan loos hafoin buti butaun Enter iha keyboad tablet nian ho fuan tuku-tuku hodi halo testu nee haruka ba Nando, mane ne'ebe nia gosta desde klasse 1 eskola sekundaria. Besik tinan lima ona sira fahe malu tan Nando tenki ba eskola iha Indonesia ho bolsu estudu nebe nia hetan husi Governu. Semana kotuk, Zinha rona husi kolega balun nebe hetan Nando katak nia iha tiha ona Dili. Rona de'it Nando nia naran mos halo Zinha kontente loos no senti hanesan borboleta rihun ida semo iha nia kabun laran. Zinha saudades tebes Nando durante tinan haat ne'e nia laran.
Dili, 14 Outubro 2015
Husi: Vitalia Ze
No loos duni, feto ida ho isin natoon ain aas, fuuk pinta kinur ho oklu reben mean, hatais kalsa jeans badak no kamizola mutin no tara pasta iha liman hamriik hela iha ATM ne'ebe tuir Nando. Feto ne'e okupadu koalia ho telfone nebe nia habit hela iha tilun no kabas. Susar atu Nando haree hetan nia oin ho momoos tan feto ne'e nia oklu be taka hela no nia fuuk mulatu husik hela deit. Nando konsentra fali ba ninia levantamentu ATM. La kleur deit, odamatan tarutu dala-ida tan no Nando haree katak feto ne'e mak sai uluk ona. Nando mos remata ho nia levantamentu ATM no atu fila ona maibe nia matan haree hetan buat ida tau hela iha kaixa ATM leten. Nando ba besik no haree katak telfone iphone ida mak iha ne'eba. Nia nota katak telfone ne'e mak ohin feto be fila uluk ona ne'e uza. Nando hanoin ho laran ruak atu foti eh husik hela deit maibe ikus mai nia desidi foti deit ona hodi hein atu fo hatene telfone nain ne'e.
Iha fatin seluk, Litta hakfodak hare'e katak nia telfone laiha pasta laran.
"Nai... hau rai lakon tiha deit ha'u nia telfone ne'e? Hau kala haluha lois iha nebe ne? Se mak hetan ona e?..." Litta hakaas atu hanoin hetan dala ikus nia uza telfone.
"Ah... husik ona ba. Importante hau nia telfone iha password, se deit mak hetan sei labele assesu dadus iha telfone ne'e."
Nunee, Litta mos husik tiha no deskansa dadauk.
Nando hateke telfone fila ba mai hodi hanoin hela karik nia bele haree telfone ne'e ka lae. Hafoin hakotu iha minutu balun, nia hahu book telfone ne'e atu hatene karik nia nain nia identidade ruma iha neba tamba too kalan ne'e seidauk iha ema ruma liga ba telfone ne'e hodi buka tuir. Hafoin book kois, ekran telfone hatudu imajen feto ida ho fuuk pinta kinur nebe hamnasa midar ho kmanek loos. Nando nia matan para haree imajen ne'e no senti nia fuan admira hela imajen ne'e. Nando koko atu loke telfone maibe nia labele tanba telfone husu password no nia la hatene. Iha nia laran, Nando gaba tiha feto ne'e tan nia laos deit bonita maibe matenek hodi xavi tiha nia telfone nunee ema seluk la bele aseseu exeptu nain deit. Nando, kaer telfone ne'e ho hamnasa midar. Agora nia kuriozu hakarak atu hatene feto ne'e se.
-"Boanoite Nando, diak ka lae? Ha'u rona o fila ona husi Indonesia ka? Ha'u saudades loos hakarak ita hasoru malu. Istoria barak mak hau hakarak rona husi o. Bainhira mak iha tempu? Kumprimentus. Zinha."-
Zinha hamnasa midar tiha no sente kmaan loos hafoin buti butaun Enter iha keyboad tablet nian ho fuan tuku-tuku hodi halo testu nee haruka ba Nando, mane ne'ebe nia gosta desde klasse 1 eskola sekundaria. Besik tinan lima ona sira fahe malu tan Nando tenki ba eskola iha Indonesia ho bolsu estudu nebe nia hetan husi Governu. Semana kotuk, Zinha rona husi kolega balun nebe hetan Nando katak nia iha tiha ona Dili. Rona de'it Nando nia naran mos halo Zinha kontente loos no senti hanesan borboleta rihun ida semo iha nia kabun laran. Zinha saudades tebes Nando durante tinan haat ne'e nia laran.
Dili, 14 Outubro 2015
Husi: Vitalia Ze
.jpg)
Komentar
Posting Komentar