KONFESSA TINAN IKUS NIAN (Parte 1)
Tinan rua liuba…
Atmosferu Turma D I Ano iha eskola Sekundaria Futuru Kmanek iha dadeer ne’e nakonu ho oin foun. Mestre ida ne’ebe introduz an ho naran Mestre Arlindo fo bem vindu ba estudante foun sira inklui mos ha’u rasik. Hafoin introduz an, mestre Arlindo kaer lista hodi verifika prezensa estudante ida-idak iha sala ida ne’e. Naran ba naran bolu dadauk no ida-idak hatan dadauk ona hodi hamriik no introduz an maibe to’o naran ida Zinia Miranda, laiha ema ida hatan nune’e mestre hateke ami hodi buka naran ne’e nia nain.
‘Se mak naran Zinia Miranda, favor hamriik!’
Ami hotu hateke mestre hodi doko ulun katak laiha ema ida ho naran hanesan ne’e. Derepente ema ida dere odamatan.
Tok,tok,tok.
‘Halo favor..” Mestre Arlindo hakat ba loke odamatan no iha ne’eba fetoran ida ho farda estudante kor mutin no abu-abu malahuk hanesan ami hotu hamriik hela iha odamatan ho oin tauk tebtebes hanesan ema atu oho nia.
“Bondia mestre, ha’u Zinia Miranda.”
Oh afinal naran Zinia Miranda nia nain mak ne’e. Nia naran furak hanesan nia nain be oin midar, isin mutin, isin lotuk natoon no ain-aas natoon ho fuuk been ne’ebe nia kesi ba kotuk. Bonita loos.
“Zinia, tansa o mai tarde?”
Mestre Arlindo husu nia ho hateke ne’ebe borus loos no halo Zinia la book an. Ah karik ha’u bele, ha’u hakarak defende nia tan nia la merese atu hetan insulta hanesan ne’e.
Dehan tiha nune’e, mestre Arlindo haruka Zinia introduz nia an no husu nia la bele mai tarde tan.
Ah, feto hanesan ne’e konserteza buka de’it mane bonito no iha nian. Eipah, tansa derepente ha’u hanoin nune’e? Lalais, ha’u hasees tiha hanoin bulak ne’e.
“Lisensa..”
Ha’ u hateke sa’e no Zinia hamriik ona iha ha’u nia meza sorin.
“Sim.”
“Ha’u bele tuur iha ita nia sorin ka?”
What? Tuur ha’u nia sorin? Ha’u foin hakfodak no realiza katak kadeira iha ha’u nia sorin mamuk hela tan falta alunu ida.
“Sim, bele.”
Ha’u hamriik hodi fo fatin ba Zinia atu hola fatin iha ninin. Nai, hodikalan ha’u mehi saida loos karik mak ohin dadeer hetan loos prinseza ida ne’e? Oh Na’i, ha’u mate ona.
Ha’u hateke ba mai kolega sira la tuur par iha feto no mane so ami nain rua de’it. Ha’u bele senti kolega balun kebit malu hateke ha’u hodi hamnasa. Nai.. aat loos. Ha’u la gosta situasaun hanesan ne’e. La’os tamba ha’u tauk feto maibe ha’u la gosta ema hamnasa ha’u.
Aula premeiru mos la’o dadauk tuir nia oras. Hafoin aula hotu, ha’u senti hakarak atu sai lalais ba liur ona.
“Hai… ha’u Zinia. Ita naran sa?” Zinia bolu ha’u wainhira ha’u atu hamriik dadauk ona hodi fo nia liman ba ha’u no introduz tan nia an. Ha’u nia an hakarak atu hakat sai ba ona maibe senti la duun diak fali.
“Ha’u Zenildo.”
Ha’u kaer liman ho nia no la brani atu hateke nia matan. Aah, demais liu pah!
“Zenildo… ha’u bele ko’alia?”
“Sim.”
“Iha turma ida ne’e, so ita nain rua de’it mak nudar alunus feto no mane ne’ebe tuur hamutuk iha kadeira ida. Ha’u husu ita nain rua hatudu repeitu malu par evita kolega sira labele hanoin negativu ba ita. Bele too?”
Zinia ko’alia ho ha’u hodi transa liman iha hirus matan ho fiar-an boot hanesan patraun ida. Na’i.. afinal alende bonita nia mos feto mental fatuk ida alias brani loos.
“Diak.”
“Ok. Hanesan ne’e mak diak bro.” Zinia fo hamnasa midar hodi fo tuku isin ida halimar iha ha’u nia kabas nudar sinal kontente ho ami nia akordu.
Wow, bonita ona, mental fatuk, tuku ita mos moras pah. Ha’u senti tinan ida ne’e nia laran ha’u tenki aguenta atu tahan an husi nia tuku. Feto ne’ebe uniku!
Dili, 19 Outubro 2015
Husi: VZ
Atmosferu Turma D I Ano iha eskola Sekundaria Futuru Kmanek iha dadeer ne’e nakonu ho oin foun. Mestre ida ne’ebe introduz an ho naran Mestre Arlindo fo bem vindu ba estudante foun sira inklui mos ha’u rasik. Hafoin introduz an, mestre Arlindo kaer lista hodi verifika prezensa estudante ida-idak iha sala ida ne’e. Naran ba naran bolu dadauk no ida-idak hatan dadauk ona hodi hamriik no introduz an maibe to’o naran ida Zinia Miranda, laiha ema ida hatan nune’e mestre hateke ami hodi buka naran ne’e nia nain.
‘Se mak naran Zinia Miranda, favor hamriik!’
Ami hotu hateke mestre hodi doko ulun katak laiha ema ida ho naran hanesan ne’e. Derepente ema ida dere odamatan.
Tok,tok,tok.
‘Halo favor..” Mestre Arlindo hakat ba loke odamatan no iha ne’eba fetoran ida ho farda estudante kor mutin no abu-abu malahuk hanesan ami hotu hamriik hela iha odamatan ho oin tauk tebtebes hanesan ema atu oho nia.
“Bondia mestre, ha’u Zinia Miranda.”
Oh afinal naran Zinia Miranda nia nain mak ne’e. Nia naran furak hanesan nia nain be oin midar, isin mutin, isin lotuk natoon no ain-aas natoon ho fuuk been ne’ebe nia kesi ba kotuk. Bonita loos.
“Zinia, tansa o mai tarde?”
Mestre Arlindo husu nia ho hateke ne’ebe borus loos no halo Zinia la book an. Ah karik ha’u bele, ha’u hakarak defende nia tan nia la merese atu hetan insulta hanesan ne’e.
Dehan tiha nune’e, mestre Arlindo haruka Zinia introduz nia an no husu nia la bele mai tarde tan.
Ah, feto hanesan ne’e konserteza buka de’it mane bonito no iha nian. Eipah, tansa derepente ha’u hanoin nune’e? Lalais, ha’u hasees tiha hanoin bulak ne’e.
“Lisensa..”
Ha’ u hateke sa’e no Zinia hamriik ona iha ha’u nia meza sorin.
“Sim.”
“Ha’u bele tuur iha ita nia sorin ka?”
What? Tuur ha’u nia sorin? Ha’u foin hakfodak no realiza katak kadeira iha ha’u nia sorin mamuk hela tan falta alunu ida.
“Sim, bele.”
Ha’u hamriik hodi fo fatin ba Zinia atu hola fatin iha ninin. Nai, hodikalan ha’u mehi saida loos karik mak ohin dadeer hetan loos prinseza ida ne’e? Oh Na’i, ha’u mate ona.
Ha’u hateke ba mai kolega sira la tuur par iha feto no mane so ami nain rua de’it. Ha’u bele senti kolega balun kebit malu hateke ha’u hodi hamnasa. Nai.. aat loos. Ha’u la gosta situasaun hanesan ne’e. La’os tamba ha’u tauk feto maibe ha’u la gosta ema hamnasa ha’u.
Aula premeiru mos la’o dadauk tuir nia oras. Hafoin aula hotu, ha’u senti hakarak atu sai lalais ba liur ona.
“Hai… ha’u Zinia. Ita naran sa?” Zinia bolu ha’u wainhira ha’u atu hamriik dadauk ona hodi fo nia liman ba ha’u no introduz tan nia an. Ha’u nia an hakarak atu hakat sai ba ona maibe senti la duun diak fali.
“Ha’u Zenildo.”
Ha’u kaer liman ho nia no la brani atu hateke nia matan. Aah, demais liu pah!
“Zenildo… ha’u bele ko’alia?”
“Sim.”
“Iha turma ida ne’e, so ita nain rua de’it mak nudar alunus feto no mane ne’ebe tuur hamutuk iha kadeira ida. Ha’u husu ita nain rua hatudu repeitu malu par evita kolega sira labele hanoin negativu ba ita. Bele too?”
Zinia ko’alia ho ha’u hodi transa liman iha hirus matan ho fiar-an boot hanesan patraun ida. Na’i.. afinal alende bonita nia mos feto mental fatuk ida alias brani loos.
“Diak.”
“Ok. Hanesan ne’e mak diak bro.” Zinia fo hamnasa midar hodi fo tuku isin ida halimar iha ha’u nia kabas nudar sinal kontente ho ami nia akordu.
Wow, bonita ona, mental fatuk, tuku ita mos moras pah. Ha’u senti tinan ida ne’e nia laran ha’u tenki aguenta atu tahan an husi nia tuku. Feto ne’ebe uniku!
Dili, 19 Outubro 2015
Husi: VZ
.jpg)
Komentar
Posting Komentar