Aman-katuas Ida ho nia Oan-mane

Mane ida ho tinan 40 ona, hakarak vizita nia aman ne’ebe kleur ona nia la hare’e no hakarak lori netik nia aman ba pasiar. Sira la’o ba jardin ida iha sidade laran no tuur iha banku-ai ida iha ne’ebá. Wainhira oan-mane ne’e lee hela jornal, nia aman hateke ba paisajen haleu sira ho matan be malahuk ona tan nia idade besik 85 ona.
Teki-tekir, buat ida book an iha aifunan sira nia leten, nune’e aman-katuas ne’e husu ba nia oan-mane: “Oan, ne’ebá saida mak ne’e?”
Nia oan-mane hateke liu de’it ba ai-funan sira ne’e no kontinua lee fila-fali jornal hodi hatan: “Ne’e manuliin ida, Papá..”
Aman-katuas ne’e kontinua hateke tuir manuliin ne’e nia movimentu hodi husu tan ba dala ida;
“Oan, hare’e to’ok saida mak ne’e?”
Ho oin xatiadu uituan uituan, oan-mane ne’e hatán ho hirus: “Aipah! Ha’u dehan tiha ona papá, ne’ebá ne’e manuliin ida!”
Liu minutu balun, manu-liin seluk semo fali mai besik sira no aman-katuas ne’e husu tan dala ida hodi hatudu ba manuliin: “Oan, mai hare’e to’ok saida mak ne’e?
Ba dala ida ne’e, oan-mane ne’e labele ona tahan nia laran-nakali nune’e nia hakilar ba nia aman ho lian maka’as: “Papá tilun diuk hela ka? Ha’u dehan ona katak ne’e manuliin ida! MA-NU-LIIN! Komprende ona?”
Ho ida ne’e, aman-katuas ne’e halo sinal ida hodi husu nia oan atu hakmatek lai. Husi nia bolsu, nia hasai buat ida hanesan diáriu hodi husu nia oan-mane atu lee ho lian maka’as, liafuan balun ne’ebé hakerek ona iha tinan balun liubá. Oan-mane ne’e mós lee dadauk ho lian maka’as:
“Horseik, ha’u nia oan-mane, ho tinan tolu oan ida, husu ha’u dala 8 konabá saida mak semo hela iha aihuun ida nia leten ba aihuun ida seluk. Ho pasiensia tomak ha’u hatan fila-fila katak ne’e manuliin ida!No ha’u sempre hakuak ha’u nia oan-mane kiikoan ne’e ho orgulhu no nakonu ho domin.”
Dalaruma ita la pasiensia ho ita nia inan-aman hodi hanoin katak sira hakarak xateia ita tan deit sira sai katuas eh ferik ona. Ita haluha tiha katak uluk sira mak eduka ita ho sira nia domin no pasiensia tomak wainhira ita sei kiikoan no seidauk hatene buat ruma. Sira fo sira nia esforsu hotu ba ita ho esperansa ida katak ita bele sai ema ne’ebe susesu iha futuru. 
 
Vitalia Z, Istoria tradusaun no adoptadu.

Komentar

Posting Komentar

Postingan populer dari blog ini

Aprende husi Sócrates: Ta’es Dala Tolu

Gambar
Sócrates mak ema matenek-nain ida husi Igregu. Nia ema ida be naran boot tamba ninia kuinesementu no sabedoria ne’ebe klean.  Loron ida, iha mane ida mai hasoru malu ho Sócrates no hateten,  “Itaboot hakarak hatene saida mak ha’u foin rona konaba itaboot nia belun ida?’’ “Hein lai,” Sócrates hatán.   “Molok itaboot fo hatene ha’u konaba buat ruma, ha’u hakarak itaboot passa lai ezame kiikoan ida. Ezame ne’e hanaran Ta'es Dala Tolu. ” “Taes Dala Tolu?” Mane ne’e husu. “Loos,” Sócrates hatán.  “Molok itaboot hateten mai ha'u konaba ha’u nia belun, karik diak liu fó tempu uituan hodi ta’es lai buat ne’ebé itaboot atu hateten. Ida ne’e ha’u bolu dehan ezame ta’es dala tolu. Ta’es dahuluk nian mak LIALOOS . Itaboot garante ona katak buat ne’ebe itaboot atu hateten mai ha’u ne’e loos?" “Lae” mane ne’e hatán, “loloos ne’e ha’u foin mak rona no hakarak atu fo hatene ba ita.” “Diak,” Sócrates hatan.  “Se nune’e
Baca selengkapnya

KONABA DOMIN

Gambar
Obra Kahlil Gibran husi Livru O Profeta   Tradusaun livre ba lian Tetum husi Vitalia Ze Hafoin,   Al-Mithra hateten: Koalia to’ok mai ami konaba domin. No nia fila oin hodi hateke ba povu hotu iha ne’ebá be mohu iha nonook nia laran. Nune’e, ho lian makaas, nia hateten: Wainhira domin fo bodik hodi bolu o, tuir nia ba, maski ninia dalan sira mesak toos no   kroat. No wainhira ninia liras sira hakuak o, entrega o nia an ba nia, maski surik ne’ebe naksubar iha ninia liras leet   bele hakanek o. No wainhira nia koalia ba o, fiar ba nia, maski ninia lian bele harahun o nia mehi sira nudar anin tasi-feto be sobu-rahun jardiin. Nudar domin sei tau koroa ba o,   nune’e mos mak nia sei krusifika o. Nomós, nudar nia bele haburas o, nia mos bele hamenus o.   No nudar nia bele harii-an aas hanesan ho o no book o nia sanak sira be mamar   liu ne’ebe nakdedar iha Loro-matan okos, sei sai nune’e mos mak nia dada-tuun   o nia abut sira be metin i
Baca selengkapnya

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia belun sai bilaan ba momentu
Baca selengkapnya