Galeria VZ

http://timoragora.blogspot.co.id/2016_06_23_archive.html S esta dadeer ne’e oras tuku hitu ho balun, ha’u lao tesik kruzamentu Colmera-Caicoli. Ha’u admira hare’e estrada mamuk hakmatek loos la hanesan sesta baibain be kareta no motor nakonu halai tuituir malu iha kruzamentu. Husi kareta no motor sira ne’e barak liu mak kareta ho motor plat marka G, veikulu governu nian maibe ohin loron ne’e kareta ho motor plat G kuaze la halai. Ha’u la’o tesik ba edifisiu Ministerio Solidariedade Sosial,   portaun boot husi sorin loos ne’eba be baibain loke ba publiku mos taka metin hela. Ne’e hatudu katak ohin loron boot ruma maibe ha’u rasik ladauk hatene loron boot konaba saida. Ha’u atrazadu duni, la hatene tuir loron boot offisial governu nian be barak loos ne’e.  La’o tesik iha UNTL nia oin, fatin ne’e mos hakmatek maski iha estudante ida rua de’it mak tuur iha eskola oin. Baibain hanesan ne’e,   fatin atu la’o ba mos kuaze laiha tiha tamba kareta no motor para netik hotu okupa e

Ha'u deskobre buat foun husi ema seluk Ha'u mos deskobre Katak iha buat barak mak ha'u seidauk hatene Katak iha buat barak mak hau presiza hatene   Katak iha buat barak mak ha'u la hatene   Maibe ha'u hakarak hatene   Buat ne'ebe ha'u seidauk hatene   Ha'u hakarak hatene    Buat ne'ebe ha'u presiza hatene   Ha'u hakarak hatene   Buat ne'ebe ha'u lahatene   Hamutuk iha laran-manas    Mai ita hamutuk    Nani no luku iha tasi kuinesimentu    Be la rohan de'it iha sentimentu   Be la limite ho tempu no espasu   Be buras no boot iha inpirasaun   Sai belar no wain iha imajinasaun   Mai ita deskobre hamutuk   Kmanek wain be butuk   Hodi agradese katak    Moris ne'e sei furak    Wainhira ita tau-liman no neon ba malu    Iha aprende hamutuk. VZ, Dili, 01 Mar 2016

Ahu-kadesan ida ne’e ohin marka iha ha’u rentoos Iha ahu-kadesan ida ne’e Ha’u hare’e malahuk   sira husi ha’u nia pasadu Iha ahu-kadesan ida ne’e , ha’u rona vokabulariu aforisma murak sira Iha ahu-kadesan ida ne’e,  ha’u husu, oinsa karik ha’u lakon mohu ho anin? Ha’u mak partikulu kik-liu   husi ahu-kadesan ida ne’e Be semo lemo-lemo lesuk   iha o nia universu Karik O rona ha’u lian bolu husi ahu-kadesan ida ne’e? Quarta Feira Sinza, Catedral Villa-Verde, Dili, 1 Marsu 2017

Se O hadomi ha'u nudar inan ida hadomi nia oan Husu ba O Keta para O nia domin Tan hau mak oan ida be dalabarak sei halo O ulun-moras ho ha'u nia hanoin, hateten no hahalok sira Basa, se O para O-nia domin nudar inan ida be karik hakarak haluha nia oan Mak oan ida-ne'e sei sai neon-lakon... VZ, Villa-Verde, 26 Febreiru 2017