Madomin sira ne'e hanesan Labarik kiik-oan - (Obra Tradusaun Poema Lovers are Like Children husi Adrienne Rich)

 


Chagall nia madomin murak sira hasa’e an to’o azul ne’ebá

Fó hanoin hikas ha’u katak hahetan husi nain-rua

Husi mundu ne’ebé de’it mak noin bele lemo-lemo bá

 

Hanesan tempu ida wainhira, sei foinsa’e no mesa-mesak

Ita book lerek ninin segredu hodi sai ida de’it

Jardin-halimar nia kotuk be nakonu ho Ema-hotu

 

Domin nudar tempu-labarik, sulan-metin iha fiar no tauk.

Estatua sira be hatudu ba sinal sira iha aar,

Maibé bee-matan mak nakfurin ho nabilan no momoos

 

Lao-lakon iha dalas jardin ho kontradisaun,

Ita haree lutu sira hadubun an ba ita-nia terus,

No rozas-huun hanaran kedas an Fiksaun.


Laiha ema ida mak fó hatene ita karik buat hirak

Be sira katak sai ne’e tebes duni nune’e ka buat seluk ida.

Ita hatene de’it mak bailoron nia aitahan sira mesak matak,

 

Moris no mahar hela ba nain-rua atu borus—

Esplorasaun ida susar no kmanek

Mak loron ida iha odamatan-boot eskola oin

 

La’o namtate husi kotuk tan atu hili fatuk be loro-matan leno,

Nia tenki hatene no sente ninia an rasik nudar ema ida.

Agora tau tan fatuk-musan ne’e ba ida be iha uluk ona. 

 

Adrienne Rich mak poetiza, ensaista no feminista husi Amerika Sul. Nia hetan titulu nudar “Poeta ida ne’ebé ia obra ema lee barak liu no influensial tebes iha metade seklu da-20”.

 


Komentar

Posting Komentar

Postingan populer dari blog ini

Aprende husi Sócrates: Ta’es Dala Tolu

Gambar
Sócrates mak ema matenek-nain ida husi Igregu. Nia ema ida be naran boot tamba ninia kuinesementu no sabedoria ne’ebe klean.  Loron ida, iha mane ida mai hasoru malu ho Sócrates no hateten,  “Itaboot hakarak hatene saida mak ha’u foin rona konaba itaboot nia belun ida?’’ “Hein lai,” Sócrates hatán.   “Molok itaboot fo hatene ha’u konaba buat ruma, ha’u hakarak itaboot passa lai ezame kiikoan ida. Ezame ne’e hanaran Ta'es Dala Tolu. ” “Taes Dala Tolu?” Mane ne’e husu. “Loos,” Sócrates hatán.  “Molok itaboot hateten mai ha'u konaba ha’u nia belun, karik diak liu fó tempu uituan hodi ta’es lai buat ne’ebé itaboot atu hateten. Ida ne’e ha’u bolu dehan ezame ta’es dala tolu. Ta’es dahuluk nian mak LIALOOS . Itaboot garante ona katak buat ne’ebe itaboot atu hateten mai ha’u ne’e loos?" “Lae” mane ne’e hatán, “loloos ne’e ha’u foin mak rona no hakarak atu fo hatene ba ita.” “Diak,” Sócrates hatan.  “Se nune’e
Baca selengkapnya

KONABA DOMIN

Gambar
Obra Kahlil Gibran husi Livru O Profeta   Tradusaun livre ba lian Tetum husi Vitalia Ze Hafoin,   Al-Mithra hateten: Koalia to’ok mai ami konaba domin. No nia fila oin hodi hateke ba povu hotu iha ne’ebá be mohu iha nonook nia laran. Nune’e, ho lian makaas, nia hateten: Wainhira domin fo bodik hodi bolu o, tuir nia ba, maski ninia dalan sira mesak toos no   kroat. No wainhira ninia liras sira hakuak o, entrega o nia an ba nia, maski surik ne’ebe naksubar iha ninia liras leet   bele hakanek o. No wainhira nia koalia ba o, fiar ba nia, maski ninia lian bele harahun o nia mehi sira nudar anin tasi-feto be sobu-rahun jardiin. Nudar domin sei tau koroa ba o,   nune’e mos mak nia sei krusifika o. Nomós, nudar nia bele haburas o, nia mos bele hamenus o.   No nudar nia bele harii-an aas hanesan ho o no book o nia sanak sira be mamar   liu ne’ebe nakdedar iha Loro-matan okos, sei sai nune’e mos mak nia dada-tuun   o nia abut sira be metin i
Baca selengkapnya

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia belun sai bilaan ba momentu
Baca selengkapnya