Galeria VZ

      Matan Be La Dukur   (Tradusaun versaun lian Ingles ba poema Sleeplessness) husi Judita Vaiciunaite, poetiza Lituania, 1937-2001.   Nakukun be solur o.... Sofa de'it mak seguru hela iha lampu ulun sira nia okos... Ha'u sente didiak los mundu ne'e, baku hela iha rai okos, alkatraun no lian husi matebian sira be ema haluha lakon... Balkaun no kuadradu sira buras ho kor-matak. Se ha'u  estika ha'u liman ho nonook, ha'u sei sai kruz moris ida. Maibe tanis ida mak fera estrada... lees rahun ha'u nia paz no hakmatek. no surat-tahan sira nakonu ho halerik todan ida (labele, labele atu repete)... Arame sira hakilar hanesan ne'e... Estatua, didi-lolon no terminal sira be rame loos... karosa mamuk sira be naniin hakat liu sidade laran, hase moos ona ho raihun mutin no abu-abu... - Tradusaun Ingles husi lian Lituania husi Viktoria Skrupskelis no Stuart Friebert iha revista Paris Review Poetry Issue no. 128 (Fall 1993) . -Versaun Ingles-  Sleeplessness Issue n

Lilin sira ne'e Ami nia harohan Ami nia hamulak Ami nia laran husu Ami nia laran hirus Ami nia laran tanis Ami nia laran metin Ami nia saudades Ami nia hein Ami nia esperansa Ba imi Ami nia oan sira Ami nia maun alin sira Ami nia bin alin sira Ami nia maluk doben sira Be husik hela ona ami Ho imi nia memoria Ho imi nia ran Ho imi nia brani Hakilar  'mate ka moris, ukun rasik an!' No to'o ikus, ita hetan duni. Ohin, Imi nia naran, mak ami sei temi Imi nia istoria, mak ami sei konta Imi, ami nia heroi Hakmatek iha lalehan Hodi haree no tulun ami  husi do'ok ne'ebá. 12 Novembru 2021

Iha tasi be luan wain Hakonu Ita leet Ho ninia laloran Dalaruma kmaus Dalaruma si'ak hato'o liamenon Ita rua nia bisubisu Mehi no titu be pinta iha lalehan  Ita rua Illa tasi sorin be nakfahen  husi tempu Bainhira loos Bele hamutuk fali? Dili, November 2021

  Nia be hakarak hein iha domin Nia be ema hein folin domin Hein mak domin Ha'u nia ego la simu Wainhira o lakohi simu Ha'u noin ho neon koko atu simu Se iha o noin duun ha'u laiha noin karik o seidauk tetu o noin   Tempu mak ne'e ona Ita hamutuk ona aban karik lae ona  Dili, 17 Maio 2021

The art of losing isn’t hard to master; so many things seem filled with the intent to be lost that their loss is no disaster.    Lose something every day. Accept the fluster of lost door keys, the hour badly spent. The art of losing isn’t hard to master.   Then practice losing farther, losing faster: places, and names, and where it was you meant to travel. None of these will bring disaster.   I lost my mother’s watch. And look! my last, or next-to-last, of three loved houses went. The art of losing isn’t hard to master.    I lost two cities, lovely ones. And, vaster, some realms I owned, two rivers, a continent. I miss them, but it wasn’t a disaster.    —Even losing you (the joking voice, a gesture I love) I shan’t have lied. It’s evident the art of losing’s not too hard to master though it may look like ( Write it!) like disaster.   Tetun: ARTE IDA   Arte kona-ba lakon la susar atu bele hatene Buat barak hare'e hanesan nakonu ho intensa

Mai ho isin tanan liman mamuk Sei moris naha oioin tula ba nia leten. Loron ida nia sei fila-fali ba nia uman loloos. Karik nia sei lori naha hirak ne'e hotu? Ka... husik hela Buat hotu Iha ne'e. Nune'e Mak nia bele fila ho isin no laran kmaan? 27 Jullu 2019

Loron hela pedasuk ita ain be hakat La'o tuir dalan oan Ita rasik mak kee "Oinsá meti ohin?" "La barak. La uituan. Natoon." "Oinsá to'os ohin?" "La barak. La uituan. Natoon." Nune'e ita husu no hatan malu.  Hafoin mak ita hamnasa ho ki'i. "Loromatan ohin monu ona, aban mak sei sa'e fali", o dehan. "Ohin mak ita monu ona, aban tenki hadeer fali", ha'u hataan. O hamnasa. Ha'u hamnasa. O nonook. Ha'u nonook. Uma knua simu ita monok Husi ninia didin-lolon piku sira Ita-nia hamulak sira suar sa'e   Hasoru malun ho fitun sira aas bá Timor-Plaza, Febreiru 2019 Pintura 'Ao Regresso', obra husi Bosco Alves Hari tinggal sekeping kaki kita melangkah Ikuti jalan setapak Kita sendiri yang gali "Bagaimana melaut hari ini?" "Tak banyak. Tak sedikit. Cukup." "Bagaimana berkebun hari ini?" "Tak banyak. Tak sedikit. Cukup.&quo

O-nia labarik sira ne’e la’os o nian Sira mak oan-mane no oan-feto husi Moris be saudades ba nia an rasik. Sira mai liuhusi o maibé laos husi o, no maski sira hela ho o maibé sira la’os o nian.   O bele fo ba sira o-nia domin maibé laos o-nia noin sira, Tan sira iha sira-nia noin rasik. O bele sulan sira-nia isin maibé la’os sira nia klamar, no maski sira hela ho o maibé sira la’os o nian. Tan sira-nia klamar hela metin ona iha uma loron-aban nian, be o labele atu ba hare’e, biar iha o-nia mehi de’it mos lae.   O karik sei hakaas-an atu sai hanesan sira, maibé keta buka atu halo sira sai hanesan o. Tan moris ne’e la fila-fali mai kotuk ka budu-an ho loron-horiseik. O mak rama, be hana sai o-nia labarik sira nudar rama-oan moris be tiru ba oin. Hana-nain be hare’e marka husi dalan be rohan laek, no Nia hakleuk o ho ninia kbiit katak ninia rama-oan sira bele semo lais no dook.   Husik o-nia hakruuk iha hana-nain ne’e nia liman bele sai ksolo

                                                                                  O sei mai fali nudar buat seluk ida,                                             nune'e monge sira hateten,                                            maibe o  lakohi atu hatene ida-ne'e,                                             tan ne'e o hanoin, OK, sá diak mak ne’e ?                                             Husi janela liur                                            o nafatin hare'e manu-liin sira---                                            Diak, karik ne'e manu-liin be hanesan                                             mak fila ba fila mai                                            ho ninia kazaku sinzentu,                                             ninia xapeu be kiik-oan kor-kafé.                                            Dalaruma mos ne'e tiu Jerry.                                             Nia mos la'o lais ba dadaun.