Merkadu Lospalos iha 1993 no 2013

Hau hetan foto ne'e husi kolega ida nia post no sente kontente hare'e fali fatin nostaljiku ida ne'e. Memoria furak tempu sei kiik derepente halekar fali iha hau noin hafoin hare'e foto tuan Merkadu Lospalos ida ne'e (oras ne'e pertense ba area central Lospalos) be hasai iha tinan 1993 (foto dahuluk).
Buat ne'ebe hau bele hanoin kona mak lalatak oin okupadu husi hau nia mama ne'ebe dada ha'u nia liman atu la bele lakon iha ema sira nia leet wainhira ami sosa sasan iha loron bazaar iha merkadu ida ne'e. 


Iha tinan 1998/1999 hanesan ne'e (favor kuriji karik kolega balun hanoin tinan loloos), Merkadu Lospalos muda fali ba area Bemoris no fatin ida ne'e husik hela de'it karik uza hodi sai fatin sentru ba eventu ruma. Karik tamba fatin ne'e laduun luan atu bele sai fatin bazar nian. 

Hafoin tempu ukun an iha 2000, wainhira hau fila fali ba Lospalos, merkadu tuan ne'e funsiona fila-fali hanesan merkadu sentru ba sidade Lospalos. Iha loron bazaar iha sabadu, ema barak mai husi aldeia, suco, subdistritu no distritu seluk (Baucau) mai hala'o atividade fila-liman iha ne'e. Wainhria rame liu, ita senti ba la'o ba mai mos rai kloot tiha kompara ho loron bainleet. 

Iha tinan 2003 hanesan ne'e merkadu Lospalos muda fila-fali ba area Bemoris to'o ohin loron. Merkadu tuan ne'e sai mamuk fila-fali iha loron bainleet no dalaruma sai nudar fatin tuur halimar ka hasoru malu entre foinsa'e sira. Dalaruma mos uza hodi sai fatin enkontru ka eventu ruma liu-liu wainhria iha eventu kampanha nian ka eventu muzikal ruma. 



Entretantu, fatin Merkadu Tuan ida-ne'eohin loron hadia ona husi parte guvernu desde 2013 (foto daruak no datoluk) no ohin loron sai fatin ba sentru kultural iha Lospalos. Maski nune'e wainhira liu iha merkadu tuan ne'e, hau nia memoria la'o hamutuk ho mama ba merkadu sempre mosu fila-fila de'it. 

VZ

Komentar

Posting Komentar

Postingan populer dari blog ini

Aprende husi Sócrates: Ta’es Dala Tolu

Gambar
Sócrates mak ema matenek-nain ida husi Igregu. Nia ema ida be naran boot tamba ninia kuinesementu no sabedoria ne’ebe klean.  Loron ida, iha mane ida mai hasoru malu ho Sócrates no hateten,  “Itaboot hakarak hatene saida mak ha’u foin rona konaba itaboot nia belun ida?’’ “Hein lai,” Sócrates hatán.   “Molok itaboot fo hatene ha’u konaba buat ruma, ha’u hakarak itaboot passa lai ezame kiikoan ida. Ezame ne’e hanaran Ta'es Dala Tolu. ” “Taes Dala Tolu?” Mane ne’e husu. “Loos,” Sócrates hatán.  “Molok itaboot hateten mai ha'u konaba ha’u nia belun, karik diak liu fó tempu uituan hodi ta’es lai buat ne’ebé itaboot atu hateten. Ida ne’e ha’u bolu dehan ezame ta’es dala tolu. Ta’es dahuluk nian mak LIALOOS . Itaboot garante ona katak buat ne’ebe itaboot atu hateten mai ha’u ne’e loos?" “Lae” mane ne’e hatán, “loloos ne’e ha’u foin mak rona no hakarak atu fo hatene ba ita.” “Diak,” Sócrates hatan.  “Se nune’e
Baca selengkapnya

KONABA DOMIN

Gambar
Obra Kahlil Gibran husi Livru O Profeta   Tradusaun livre ba lian Tetum husi Vitalia Ze Hafoin,   Al-Mithra hateten: Koalia to’ok mai ami konaba domin. No nia fila oin hodi hateke ba povu hotu iha ne’ebá be mohu iha nonook nia laran. Nune’e, ho lian makaas, nia hateten: Wainhira domin fo bodik hodi bolu o, tuir nia ba, maski ninia dalan sira mesak toos no   kroat. No wainhira ninia liras sira hakuak o, entrega o nia an ba nia, maski surik ne’ebe naksubar iha ninia liras leet   bele hakanek o. No wainhira nia koalia ba o, fiar ba nia, maski ninia lian bele harahun o nia mehi sira nudar anin tasi-feto be sobu-rahun jardiin. Nudar domin sei tau koroa ba o,   nune’e mos mak nia sei krusifika o. Nomós, nudar nia bele haburas o, nia mos bele hamenus o.   No nudar nia bele harii-an aas hanesan ho o no book o nia sanak sira be mamar   liu ne’ebe nakdedar iha Loro-matan okos, sei sai nune’e mos mak nia dada-tuun   o nia abut sira be metin i
Baca selengkapnya

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia belun sai bilaan ba momentu
Baca selengkapnya