Oinsa Bele Mantein Espiritu Hakerek no Oinsa mak Bele Kria Idea ba Hakerek? (Lia-menon husi ASEAN Literary Festival 2016) #1

Pergunta ida ne’e hameno husi belun Mariani Vicente wainhira ha’u partisipa iha ASEAN Literary Festival 2016 husi Abril too Maio semana hirak liuba iha Jakarta. 
Ha’u hakarak atu halibur hamutuk notas sira ne’ebe hau halibur husi kolega eskritor sira hau hasoru iha eventu ne’e mak fahe dala ida ba kolega sira. Maibe ikus mai hau realiza katak ha’u la biban atu bele hakerek hotu no kontinua pendente bebeik tamba tenki halo serbisu no atrapalha atividade seluk. Tamba ne’e mak hau desidi atu fahe uituan-uituan ba kolega sira nune’e ha’u mos la bele haluha wainhira okupadu liu ho serbisu no eskola. 
Resposta ba pergunta ne’e mai husi kolega eskritor/hakerek nain foinsa’e sira ne’ebe hau hasoru iha Jakarta no kontente atu fahe sira nia esperensia no sujestaun ba kolega sira ne’ebe hakarak atu dezenvolve abilidade hakerek kreativu. Resposta hirak ne’e laos katak atu sai baze fixu ida maibe sai de’it hanesan matenek foun ba ita hotu atu tetu hodi hili molok deside atu hakerek ita nia istoria ka puizia depende ita prefere. Karik iha duvidas no hakarak hatene klean konaba sira nia resposta ne’e mak hau hatutan ba sira. Maibe dala ita tan ne’e hanesan lia-menon deit atu hariku ita nia kuinesementu iha area hakerek kriativu nian husi esperensia belun hakerek nain sira seluk husi Indonesia no nasaun sira seluk ne’ebe sei haktuir iha note be tuir. Hein katak bele ajuda no folin ba kolega sira hotu. 
Pergunta #1: Oinsa bele mantein espiritu hakerek no oinsa mak bele kria idea ba hakerek? 
- Atu mantein espiritu eh mood hakerek ne’e tenki iha hakarak duni atu hakerek. Konaba mood (iha vontade) ka la mood ne’e depende ema ida-idak. Wainhira senti mood ladiak, se bele lee netik no lee barak batu ele hasa’e mood/ dada vontade atu hakerek. Idea laos obra nebe ita kria maibe ita tenki buka. Atu buka idea iha dalan barak ezemplu, tuur hanoin ka buka husi livru seluk ne’e depende fali ba ita nia topiku (Rio Johan, Autor Aksara Amananuna) 
- Wainhira ita gosta ona hakerek ne’e katak ita iha ona komitmentu atu hakerek. Tenki hadomi ita nia hakerek. Buka took ita nia razaun ‘Tansa Ita Hakarak Hakerek?” Konaba oinsa atu kria idea hakerek, koko hatoman ita nia an hodi sempre husu pergunta ‘Oinsa karik mak….. (What if…)’ wainhira hakerek istoria no sente derepente ‘paradu/hanoin lakon’. Ho ida ne’e, ita mos bele imajina situasaun sira hodi hakerek fila-fali ita nia istoria ka istoria ne’ebe iha ona tuir ita nia versaun. (Guntur Alam, Autor Magi dan Kunang-Kunang) 
- Wainhira sente espiritu hakerek menus, buka tempu atu troka ideas ho kolega sira ka ho ema seluk no la tenki tuir bebeik deit ita nia imajinasaun. Diskusaun ho ema seluk importante. Koko atu bele la’o sai netik hodi hasoru ema ka ambiente foun atu nune’e bele hetan inspirasaun foun. Ideia ba hakerek nian bele uza esperensia rasik (karater fiziku) ba ema ne’ebe iha karater hanesan. Tan ho esperensia rasik sei fasil ba ita atu hanoin tuir lalaok sira ne’e. Husi prosesu hakerek ne’e rasik sei halo ita komprende ita nia an rasik. (Sebastian Partogi, Autor istoria badak Sang Liyan) 
- Determina ita nia motivasaun no objektivu hakerek ne’e rasik hodi hanoin tuir. ‘Tansa ita hakarak hakerek?’ Atu hetan idea ba istoria, koko atu sai husi ita nia ‘Comfort Zone’ (Zona Komfortavel/situasaun normal) hodi koko hakerek idea ruma ne’ebe foun no diferente. Lee barak, rona barak no halo kolega barak. (Pringadi Abdi Surya, Autor Phi )
 
Kontinua...

Komentar

Posting Komentar

Postingan populer dari blog ini

Aprende husi Sócrates: Ta’es Dala Tolu

Gambar
Sócrates mak ema matenek-nain ida husi Igregu. Nia ema ida be naran boot tamba ninia kuinesementu no sabedoria ne’ebe klean.  Loron ida, iha mane ida mai hasoru malu ho Sócrates no hateten,  “Itaboot hakarak hatene saida mak ha’u foin rona konaba itaboot nia belun ida?’’ “Hein lai,” Sócrates hatán.   “Molok itaboot fo hatene ha’u konaba buat ruma, ha’u hakarak itaboot passa lai ezame kiikoan ida. Ezame ne’e hanaran Ta'es Dala Tolu. ” “Taes Dala Tolu?” Mane ne’e husu. “Loos,” Sócrates hatán.  “Molok itaboot hateten mai ha'u konaba ha’u nia belun, karik diak liu fó tempu uituan hodi ta’es lai buat ne’ebé itaboot atu hateten. Ida ne’e ha’u bolu dehan ezame ta’es dala tolu. Ta’es dahuluk nian mak LIALOOS . Itaboot garante ona katak buat ne’ebe itaboot atu hateten mai ha’u ne’e loos?" “Lae” mane ne’e hatán, “loloos ne’e ha’u foin mak rona no hakarak atu fo hatene ba ita.” “Diak,” Sócrates hatan.  “Se nune’e
Baca selengkapnya

KONABA DOMIN

Gambar
Obra Kahlil Gibran husi Livru O Profeta   Tradusaun livre ba lian Tetum husi Vitalia Ze Hafoin,   Al-Mithra hateten: Koalia to’ok mai ami konaba domin. No nia fila oin hodi hateke ba povu hotu iha ne’ebá be mohu iha nonook nia laran. Nune’e, ho lian makaas, nia hateten: Wainhira domin fo bodik hodi bolu o, tuir nia ba, maski ninia dalan sira mesak toos no   kroat. No wainhira ninia liras sira hakuak o, entrega o nia an ba nia, maski surik ne’ebe naksubar iha ninia liras leet   bele hakanek o. No wainhira nia koalia ba o, fiar ba nia, maski ninia lian bele harahun o nia mehi sira nudar anin tasi-feto be sobu-rahun jardiin. Nudar domin sei tau koroa ba o,   nune’e mos mak nia sei krusifika o. Nomós, nudar nia bele haburas o, nia mos bele hamenus o.   No nudar nia bele harii-an aas hanesan ho o no book o nia sanak sira be mamar   liu ne’ebe nakdedar iha Loro-matan okos, sei sai nune’e mos mak nia dada-tuun   o nia abut sira be metin i
Baca selengkapnya

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia belun sai bilaan ba momentu
Baca selengkapnya