Galeria VZ

Beloved… Look up to the sky That sky of tonight is gloomy No stars… no moon Only darkness wraps the heart That trembles of longing for you so much Do you also feel it? Beloved… The seat beside me is empty As it waits for your shadow to fill in Together, we would face the coldness of the night’s wind We would be talking again About all those unfinished feelings We would be witnessing again How the tremor of this longing had shaken us We would be unifying the tremble of our hearts   Into a most solid and tightest embrace We would be sharing the magnificence together for tonight In a sweetest kiss ever You and me, together we would be wrapping our souls with this warmth You and me, together we would be looking up to this night’s gloomy sky But… How can all this happen if you do not come along? Beloved… The sky of tonight is gloomy So does my heart. VZ, Lospalos, January 3 rd , 2017. Obra ne'e tradusaun versaun Ing

“As women, we must stand up for ourselves. We must stand up for each other. We must stand up for justice for all.” – Michelle Obama Sa mak ita no  ema barak hanoin kona wainhira rona no hare'e feto ida sai lider ka ema-boot? Konserteza sei iha responde no komentariu oioin ba hahusuk ida ne'e. Desde tempu antigu to'o tempu modernu ohin loron nian, iha ona figura lideransa feto barak ne'ebe naran boot iha mundu hanesan Cleopatra, Hatsheptshut, Rainha Elizabeth, Benazir Butho, Angela Merkel, Margaret Tatcher, Indira Gandhi, Gloria Macapagal Arroyo no sira seluk tan ne'ebe marka ona sira nia an ba mundu katak feto iha kapasidade atu kaer lideransa ida. Lideransa iha kontestu ida ne'e refere ba area oioin hanesan politika, sosial, relijiaun, negosiu no selu-seluk tan. Koalia konaba lideransa, iha stigma jeral ida husi sosiedade hodi hanoin katak so mane de'it mak bele kaer lideransa. Stetmentu afirmativa ida ne'e afinal sai ona fallasia (hanoin la-lo

      Haas-budu, haas mangal be ema ko’a ba pedasuk mihis hodi budu ho masin no aimanas be ledu rahun uut didiak. Loron ida ami hasoru malu iha tasi-ibun Cristo Rei iha Metiaut ne’eba. Ha’u tuur hela hateke tasi nia laloran furak wainhira has-budu ne’e hateke mai ha’u husi balde laran.   ‘O gosta tasi ka?’ Haas-budu ne’e husu no ha’u hakfodak hateke ba mai hanoin katak se mak hasee ha’u.   ‘O bele koalia?’ Ha’u husu fali ba nia ho oin supreza.   ‘Sim. Ha’u bele koalia se o fiar katak ha’u bele koalia.’ Haas-budu hataan mai ha’u. Ha’u doko ulun la komprende.   ‘Entaun, o gosta tasi ka?’ Ha’u hateke has-budu no soe matan ba fali tasi ibun . Labarik kiik-oan balun hariis tasi ho kontente.    ‘Sim. O bele dehan nune’e se o fiar katak ha’u gosta tasi.’ Ha’u hataan ba has-budu. ‘Ha’u fiar o gosta tasi.’ Haas-budu hataan.    ‘Tansa o dehan nune’e?’   ‘Tan o hateke metin loos ba tasi-ibun hanesan imi rua ne’e ko’alia hela ba malu husi fuan ba fuan.’ Ha

      ‘Entaun, kareta sira be luxu foin sosa tinan hirak liuba be sei nabilan no stabil hela ne’e atu leilaun ona ka? Presu abertura leilaun nian hira tiha?’ Ha’u husu hodi horut ha’u nia kafe ho susubeen iha xikra mutin kabeer nabilan ida.  Maizumenus, se mak sei oferese presu aas liu iha leilaun ne’e? ‘ ha’u husu hau nia kolega Joana no Marta durante ami nia dadalia hafoin haan meudia iha kantina nodi hemu kafee loraik.  ‘Lae, leilaun ida ne’e laos hanesan o hanoin ne’e.’ Joana hataan. ‘Ne’ega? Entaun leilaun ida ne’e oinsa fali? Tuir ha’u nia kumprende, leilaun ne’e katak faan sasan uzadu ba ema ne’ebe hakarak fo presu aas liu.’ Hau hatan fila. ‘Leilaun ida ne’e lahanesan ida o dehan ne’e. Leilaun ida ne’e dehan sira determina kedas ona ninia presu limite mak Dollar 8000 no ne’e loke ba internu de’it, ema liur la tuir ida.’ Joana hatan.  ‘Hah. Ne’e katak presu abertura nian mak USD 8000 no se mak orsida oferese presu aas liu ida ne’e mak bele foti kareta ida

I Viajen estranjeiru wain ho razaun estudu komparativu be la mai ho relatoriu eh rezultadu folin Pensaun vitalisia be la sura ho kalkulasaun ekonomiku Leilaun veikulu estavel folin karun be la tau ho presu razoavel Tansa? Susar ka hakerek relatoriu deskriptivu ida hodi aprezenta? Susar mos ka atu tetu fali desvantajen kalkulasaun surplus osan pensaun ne'e? Susar duni ka atu sura fali valor nominal osan-inan hirak be lakon ho leilaun folin kiik ne'e? Buat hirak ne'e tetu hotu ona ka? Se lae, tamba sa?  II Ami hirus hela. Itaboot sira finji la liga. Karik ne'e buat gostu ketak ida hare'e ami halerik? Sadista duni! Maibe imi tenki hatene, ami ne'e laos masokista!  III Ema dehan karau mate husik hela dikur maibe aifunan Rafflesia moris no mate husik hela iis-mate-isin Hakarak ami hanoin imi nudar karau ka aifunan Rafflesia? Konforme ami. IV Parabeens ba gozu hirak ne'e hodi halo ami fuan tohar Agora ami tenki hadia fali fuan tohar ne'

‘Think of the devil and the devil is there’ Novella fiksaun husi eskritor India ida ne’e lori tema disturbu psikolojiku ho genre drama. Novella ne'e konta konaba Vijay, estudante enjinaria matenek ida nomos oan mane mesak nebe tenki leba responsabilidade tomak atu hadia nia familia nia ekonomia nomos tenki buka atu hamorin fali familia nia naran tan nia bin sai bulak tamba depresaun todan wainhira lakon iha entrevista serbisu no sira lakonsege lori nia ba tratamentu tan laiha osan. Vijay nia aman lanuteen tan hanoin la to'o, inan be iliteradu no la manan osan boot no sira moris kiak. Vijay hakas an serbisu nomos eskola too universidade. Vijay halo kolega ho Priya waihira tama hamutuk iha universidade. Priya gosta Vijay desde sira eskola hamutuk no sempre admira nia matenek no karater pribadu be nakonu ho jeitu filozofiku. Priya buka nafatin atu aproxima Vijay hafoin sira remata eskola maibe Vijay haree nia nudar kolega diak deit.    Ikus mai, Vijay hetan d

  image: Jimmy law- South African artist "Mor, tinan foun ne'e ne'e ha'u hakarak ba hasoru o nia familia iha uma."  Zeze hateten ba nia doben Nita. Sira-rua tuir ona durante tinan rua ikus ne'e. Sira rua tuur hela iha Restaurante ida iha Timor-Plaza iha loraik ne'e. Nita nonook lesuk hateke metin ba kuadru-avizu filme foun taka iha sinema Platinum Cineplex nian iha kraik ne'eba. Zeze simu livru menu husi servente no hameno Bakso mangko rua ho orange juice . Zeze nota dadauk iha sentidu la komfortavel husi ninia doben. "Mor. O diak hela too?" Zeze husu tan. Nita hahu hateke nia ho atensaun. "Ha'u diak hela Ze maibe rona dehan  o atu ba ha'u nia uma iha tinan foun ne'e mak halo ha'u hanoin hela." "Nusa ne'e?  Mor seidauk hakarak ha'u ba  uma ka. Se Mor seidauk  prontu laiha buat ida. Ita bele buka tempu seluk" "Lae Ze. Laos hanesan ne'e. Mama mos hameno hau atu ita rua