LEILAUN KARETA

 
 
 
‘Entaun, kareta sira be luxu foin sosa tinan hirak liuba be sei nabilan no stabil hela ne’e atu leilaun ona ka? Presu abertura leilaun nian hira tiha?’ Ha’u husu hodi horut ha’u nia kafe ho susubeen iha xikra mutin kabeer nabilan ida. 

Maizumenus, se mak sei oferese presu aas liu iha leilaun ne’e? ‘ ha’u husu hau nia kolega Joana no Marta durante ami nia dadalia hafoin haan meudia iha kantina nodi hemu kafee loraik. 

‘Lae, leilaun ida ne’e laos hanesan o hanoin ne’e.’ Joana hataan.

‘Ne’ega? Entaun leilaun ida ne’e oinsa fali? Tuir ha’u nia kumprende, leilaun ne’e katak faan sasan uzadu ba ema ne’ebe hakarak fo presu aas liu.’ Hau hatan fila.

‘Leilaun ida ne’e lahanesan ida o dehan ne’e. Leilaun ida ne’e dehan sira determina kedas ona ninia presu limite mak Dollar 8000 no ne’e loke ba internu de’it, ema liur la tuir ida.’ Joana hatan. 

‘Hah. Ne’e katak presu abertura nian mak USD 8000 no se mak orsida oferese presu aas liu ida ne’e mak bele foti kareta ida ne’e too?’ Ha’u hatan.

‘Lae, laos hanesan ne’e. Presu leilaun mak USD 8000 ona no se mak bele foti ho folin ida ne’e foti kedas ona. ia la presiza oferese tan folin aas liu ida ne’e.’ Joana hateten. 

‘Ai..? Hanesan ne’e fali ka? Mas kareta ne’e uluk sosa foun mai nia folin liu Dollar 8000. Kuaze rihun sanulu lubuk mak ne’e. Depois ladun uza ba foho tan. Uza iha Dili laran de’it. Nia pessa sira mos sei diak hela mak ne’e. Ne’e laos kareta segunda maun. Faan fali de’it ba USD 8000 ne’e laos lakon ka?’ Marta komentar tan. 

‘Sim, hanesan ne’e duni. Depois governasaun foun mai mak sira sosa fali kareta foun.’ Joana amenta.
‘Aioo… ne’e laos amenta despeza governu ka? Buat kareta sei diak ne’e uza tiha lai mos lae.’ Ha’u hataan.

‘Ai… iha ne’ebe fali. Sira ho sira mak iha laran be halo leilaun hanesan ne’e. Sira sosa tiha kareta ne’e ho Dollar 8000 , lori tiha ba uma depois tam fali mai simu kareta foun too.’

‘Eipah…hanesan ne’e entaun lalika bolu dehan leilaun. Ne’e hanesan jogu sorteiu internu be dada rifa se mak kona nia mak hetan.’ Marta hateten. 

‘Ne’ega… diak ida halo nusa….’ Ha’u hataan no horut ha’u nia kafee-susubeen nanotak ne’e to’o mohu. 

Oras iha telemovel hatudu ona tuku ida ho balun no ami nain tolu fo hanoin ba malu no remata ami nia dadalia hodi hamriik husik hela fatin no dadalia ida ne’e. 
 
Dili, 09 Agostu 2017

Komentar

Posting Komentar

Postingan populer dari blog ini

Aprende husi Sócrates: Ta’es Dala Tolu

Gambar
Sócrates mak ema matenek-nain ida husi Igregu. Nia ema ida be naran boot tamba ninia kuinesementu no sabedoria ne’ebe klean.  Loron ida, iha mane ida mai hasoru malu ho Sócrates no hateten,  “Itaboot hakarak hatene saida mak ha’u foin rona konaba itaboot nia belun ida?’’ “Hein lai,” Sócrates hatán.   “Molok itaboot fo hatene ha’u konaba buat ruma, ha’u hakarak itaboot passa lai ezame kiikoan ida. Ezame ne’e hanaran Ta'es Dala Tolu. ” “Taes Dala Tolu?” Mane ne’e husu. “Loos,” Sócrates hatán.  “Molok itaboot hateten mai ha'u konaba ha’u nia belun, karik diak liu fó tempu uituan hodi ta’es lai buat ne’ebé itaboot atu hateten. Ida ne’e ha’u bolu dehan ezame ta’es dala tolu. Ta’es dahuluk nian mak LIALOOS . Itaboot garante ona katak buat ne’ebe itaboot atu hateten mai ha’u ne’e loos?" “Lae” mane ne’e hatán, “loloos ne’e ha’u foin mak rona no hakarak atu fo hatene ba ita.” “Diak,” Sócrates hatan.  “Se nune’e
Baca selengkapnya

KONABA DOMIN

Gambar
Obra Kahlil Gibran husi Livru O Profeta   Tradusaun livre ba lian Tetum husi Vitalia Ze Hafoin,   Al-Mithra hateten: Koalia to’ok mai ami konaba domin. No nia fila oin hodi hateke ba povu hotu iha ne’ebá be mohu iha nonook nia laran. Nune’e, ho lian makaas, nia hateten: Wainhira domin fo bodik hodi bolu o, tuir nia ba, maski ninia dalan sira mesak toos no   kroat. No wainhira ninia liras sira hakuak o, entrega o nia an ba nia, maski surik ne’ebe naksubar iha ninia liras leet   bele hakanek o. No wainhira nia koalia ba o, fiar ba nia, maski ninia lian bele harahun o nia mehi sira nudar anin tasi-feto be sobu-rahun jardiin. Nudar domin sei tau koroa ba o,   nune’e mos mak nia sei krusifika o. Nomós, nudar nia bele haburas o, nia mos bele hamenus o.   No nudar nia bele harii-an aas hanesan ho o no book o nia sanak sira be mamar   liu ne’ebe nakdedar iha Loro-matan okos, sei sai nune’e mos mak nia dada-tuun   o nia abut sira be metin i
Baca selengkapnya

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia belun sai bilaan ba momentu
Baca selengkapnya