Novella Illusion husi Sunil Doiphode





‘Think of the devil and the devil is there’


Novella fiksaun husi eskritor India ida ne’e lori tema disturbu psikolojiku ho genre drama.

Novella ne'e konta konaba Vijay, estudante enjinaria matenek ida nomos oan mane mesak nebe tenki leba responsabilidade tomak atu hadia nia familia nia ekonomia nomos tenki buka atu hamorin fali familia nia naran tan nia bin sai bulak tamba depresaun todan wainhira lakon iha entrevista serbisu no sira lakonsege lori nia ba tratamentu tan laiha osan. Vijay nia aman lanuteen tan hanoin la to'o, inan be iliteradu no la manan osan boot no sira moris kiak. Vijay hakas an serbisu nomos eskola too universidade. Vijay halo kolega ho Priya waihira tama hamutuk iha universidade. Priya gosta Vijay desde sira eskola hamutuk no sempre admira nia matenek no karater pribadu be nakonu ho jeitu filozofiku. Priya buka nafatin atu aproxima Vijay hafoin sira remata eskola maibe Vijay haree nia nudar kolega diak deit. 
 
Ikus mai, Vijay hetan duni serbisu nudar enjineiru no Priya sai mediku jeral. Waihira Priya no Vijay hasoru malu fila-fali iha kolega ida nia kazamentu, Vijay hato'o katak nia gosta feto seluk naran Nayana oan feto husi Vijay nia patraun, maibe Vijay sei tauk atu koalia. Priya simu ho laran todan maski nia mos gosta Vijay, nune nia apoiu nafatin Vijay atu duni nia domin. 

Hafoin semana balun, Vijay haktuir ba Priya katak Nayana no nia aman fo sinal simu ona Vijay atu moris hamutuk waihira sira festa hela iha eskritoriu no tan kontente los Vijay hemu lanu no aviza ba ema hotu katak nia ho Nayana atu hola malu. Maibe iha loron tuir mai Vijay simu karta hapara serbisu derepente nune halo nia depresaun liutan tan buka serbisu mos susar. 
 
Priya triste no hakarak ajuda Vijay. Nia ba hasoru Nayana atu hamaus nia simu fali Vijay maibe nia sai bilan waihira Nayana haktuir katak nia nunka iha relasaun espesial ho Vijay. Iha konfundi hela entre atu fiar los Vijay ka Nayana, Vijay mosu mai haktuir ba Priya katak Nayana mai tuir hela nia husu deskulpa no hakarak atu sira hamutuk fali. Priya rona Vijay ho atensaun maibe nia hakfodak tebes hateke tuir Vijay nia liman hatudu deit fatin mamuk no laiha ema ida iha ne'eba. Ikus mai mak nia hahu komprende lolos katak Vijay sofre Skizofrenia. Ne'e moras mental ida ne'ebe afeta individu sei kria realidade foun (ne'ebe la real) hodi nega realidade balun ne'ebe nia hasoru maibe nafatin konsente ho realidade sira seluk iha moris.


“Oh god… my daughter… then my son… and now … Priya also… don’t be so cruel to me god… I can’t bear this anymore…” Vijay’s mother was praying hard.


Iha inisiu istoria, ita sei la bele siik se loos mak sei sai karater ho problema prinsipal tan Vijay nia bin mos sofre moras mental hotu. Lee tan ba, ita mos sei la espera katak protagonista Vijay mak sofre moras mental. Ho Priya mak autor lori ita deskobre katak Vijay mak rasik ninia illusaun no muda nia perspektiva konaba realidade moris nebe nia hasoru. Maibe autor la para de’it hoVijay nia ilusaun maibe inkui mos protagonista  sira nebe afeta husi efeitu ilusaun nunee titulu novela ne'e reprezenta duni ninia istoria. Novella furak ida ne’e fanun atu komprende ema moras mental ninia lalaok no sira nia problema sosial no oinsa moras mental ne’e nia efeitu ba familia no ema sira nebe besik nia. 

Novela ida ne’e hakerek ho Ingles no bele hetan iha aplikasaun Playstore iha smartphone baze android. Ninia versaun online mak tuir mai ne’e.
http://www.englishnovels.net/2011/07/novel-illusion-complete-based-on-true.html

VZ

Komentar

Posting Komentar

Postingan populer dari blog ini

Aprende husi Sócrates: Ta’es Dala Tolu

Gambar
Sócrates mak ema matenek-nain ida husi Igregu. Nia ema ida be naran boot tamba ninia kuinesementu no sabedoria ne’ebe klean.  Loron ida, iha mane ida mai hasoru malu ho Sócrates no hateten,  “Itaboot hakarak hatene saida mak ha’u foin rona konaba itaboot nia belun ida?’’ “Hein lai,” Sócrates hatán.   “Molok itaboot fo hatene ha’u konaba buat ruma, ha’u hakarak itaboot passa lai ezame kiikoan ida. Ezame ne’e hanaran Ta'es Dala Tolu. ” “Taes Dala Tolu?” Mane ne’e husu. “Loos,” Sócrates hatán.  “Molok itaboot hateten mai ha'u konaba ha’u nia belun, karik diak liu fó tempu uituan hodi ta’es lai buat ne’ebé itaboot atu hateten. Ida ne’e ha’u bolu dehan ezame ta’es dala tolu. Ta’es dahuluk nian mak LIALOOS . Itaboot garante ona katak buat ne’ebe itaboot atu hateten mai ha’u ne’e loos?" “Lae” mane ne’e hatán, “loloos ne’e ha’u foin mak rona no hakarak atu fo hatene ba ita.” “Diak,” Sócrates hatan.  “Se nune’e
Baca selengkapnya

KONABA DOMIN

Gambar
Obra Kahlil Gibran husi Livru O Profeta   Tradusaun livre ba lian Tetum husi Vitalia Ze Hafoin,   Al-Mithra hateten: Koalia to’ok mai ami konaba domin. No nia fila oin hodi hateke ba povu hotu iha ne’ebá be mohu iha nonook nia laran. Nune’e, ho lian makaas, nia hateten: Wainhira domin fo bodik hodi bolu o, tuir nia ba, maski ninia dalan sira mesak toos no   kroat. No wainhira ninia liras sira hakuak o, entrega o nia an ba nia, maski surik ne’ebe naksubar iha ninia liras leet   bele hakanek o. No wainhira nia koalia ba o, fiar ba nia, maski ninia lian bele harahun o nia mehi sira nudar anin tasi-feto be sobu-rahun jardiin. Nudar domin sei tau koroa ba o,   nune’e mos mak nia sei krusifika o. Nomós, nudar nia bele haburas o, nia mos bele hamenus o.   No nudar nia bele harii-an aas hanesan ho o no book o nia sanak sira be mamar   liu ne’ebe nakdedar iha Loro-matan okos, sei sai nune’e mos mak nia dada-tuun   o nia abut sira be metin i
Baca selengkapnya

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia belun sai bilaan ba momentu
Baca selengkapnya