INAN NO NIA OAN BE LAORAI
Tinan 5 ona sira fahe malu.
Nia inan hela mesak iha uma bloku kor abu-abu andar rua be harii ho kosar-been husi nia oan be laorai.
Nia oan hela iha kuartu ida iha flat ho ninia maluk laorai sira iha sidade Relojio-Boot nia leet. Kalan-kalan, nia serbisu makaas hisik kosar nudar empregadu fábrika tan de’it atu hetan lesuk ‘Poundsterling’ liman isin ida ba nia no ninia familia iha mundu huun loro—sa’e ne’ebá. Wainhira kalan mai, nia hateke ba lelehan metan husi janela vidru hodi pinta feto ferik ida be nia hadomi tebes ne’e nia oin ho harohan.
Dook husi nia, iha uma kor bloku abu-abu ne’e, kalan-kalan nia inan sei nafatin suru hela hahan iha nia oan nia bikan favoritu. Wainhira nia alin sira husu ‘tansa etu bikan ida ne’e tenki hatuur nafatin Ma? Amaun laiha ona ne’e?’ nia inan hatan, ‘Oan, ne’e ba o nia maun. Husu boot nia mos iha rai-dook ne’eba han dadauk hanesan ita agora.’
Han kalan hotu tiha, oan sira ida-idak dukur ona iha sira nia kuartu. Molok nia haloot bikan foer sira, nia hateke tan etu bikan ida ne’e ho hamnasa midar maibe nia matan been nakonu hela. Nia saudades tebes ba nia oan be dook hela ne’e. La hatene bainhira tan mak nia bele hakuak nia oan, hanesan wainhira nia oan ne’e sei tinan rua, hahu la’o no halai ba ninia hakuak ho hamnasa kontente.
Iha loron aban, nia oan telfone mai. ‘Má, ami dalaruma teki fila.’
Dook husi nia, iha uma kor bloku abu-abu ne’e, kalan-kalan nia inan sei nafatin suru hela hahan iha nia oan nia bikan favoritu. Wainhira nia alin sira husu ‘tansa etu bikan ida ne’e tenki hatuur nafatin Ma? Amaun laiha ona ne’e?’ nia inan hatan, ‘Oan, ne’e ba o nia maun. Husu boot nia mos iha rai-dook ne’eba han dadauk hanesan ita agora.’
Han kalan hotu tiha, oan sira ida-idak dukur ona iha sira nia kuartu. Molok nia haloot bikan foer sira, nia hateke tan etu bikan ida ne’e ho hamnasa midar maibe nia matan been nakonu hela. Nia saudades tebes ba nia oan be dook hela ne’e. La hatene bainhira tan mak nia bele hakuak nia oan, hanesan wainhira nia oan ne’e sei tinan rua, hahu la’o no halai ba ninia hakuak ho hamnasa kontente.
Iha loron aban, nia oan telfone mai. ‘Má, ami dalaruma teki fila.’
‘Tansa? O halo problema iha ne’eba? Nia inan husu. ‘Lae Amá. Ne’e sei dalaruma de’it. Ema rai-nain sira dalaruma sei haruka ami fila.’
Nia inan kontente rona liafuan ‘fila’ ne’ebe nia hein kleur ona.
‘Oan, se o tenki fila, entaun fila mai bá. Ita nia rain no familia sempre simu nafatin o. Ita bele hahu fila-fali ita nia moris.’
‘Lae amá, Ha’u la bele fila de’it hanesan ne’e. Sei iha buat barak ne’ebe ha’u sei duni amá.’
La kleur, dadalia iha telfone ne’e mos remata. Maibe laran-taridu entre inan no oan ne’e la dauk de’it remata.
VZ,
Dili, 28 Juni 2016
Istoria ne’e nudar versaun
Tetum husi ha’u nia istoria badak iha lian Indonezia Ibu dan Anaknya yang
Merantau.
.jpg)
Komentar
Posting Komentar