Tebes Ka Imi Sei Halakon LPV?






Tebes ka imi sei halakon LPV[i]?

Tebes ka imi sei la see liman tan atu simu PV iha loron aban wainhira hakat sai husi portaun uma-mutin  boot ne’eba?

Tebes ka  imi bele  tau fali osan PV[ii] ba hirak ne’ebe presiza liu?

Favor,  katak sai mai loloos ba...

Ami nia oan sira balun selu eskola la kotu, tamba mestre be selu kotu-kotu, fo lisaun mos labarik sai kotu hotu.

Ami nia laen sira hetan osan kiik, ami nia gastus be la kiik maski ami mesak ema kiik be loro-loron hare’e karteira ho fuan ki’i.

Ami nia feen sira serbisu ho iis boot, koalia ibun boboot wainhira to’o mai  uma tamba  naha uma laran amenta boot.

Ami haan etu-maran ho modo kangko ho aimanas,  imi han iha restorante diak nian be atende imi namanas.

Ami hatais hena OB[iii] mesak tuan restu husi  tasi sorin, imi hatais hena mesak foun folin karun husi tasi sorin.

Ami hela fatin mak pedasuk kiik-oan husi rendeiru[iv] nia kuartu sira, eh rai-rohan be ami nia ain naran hetan lerek.  Imi hela iha uma mutin mesak kabeer ho azulezus koor no amostra oioin kompletu ho mobiliariu kualidade diak be malorek.

Ami laiha veikulu luxu atu sa’e ba mai. Ami mak sempre buka mikrolete no taxi atu ba mai. Maski dalabarak tenki istori malu ba mai wainhira osan restu sira lakohi fo fali mai.

Fim de semana, imi passa iha tasi-ibun hodi haksolok hemu serveza ho naan tunu toka muzika Portugues mesak vulgar no sentimental. Ami nia fim de semana nakonu ho pikenike iha mate-uma, koremetan, kazamentu ka lia-adat be ejiji ami tau osan liu ami nia bele. Hatene oinsa? Ami kuaze atu moras mental!!!

Nai… nusa mak ita hanesan tiha rai ho lalehan be dook malu loos ne’e?

Karik uluk imi senti ona hanesan ami?  Eh karik aban bairua ami eh ami oan sei senti hanesan imi agora. Ne’e kestaun tempu no sorte. Karik sorte diak ba de’it imi, ami lae. Laiha buat ida.

Maibe pelumenus, hanoin netik ami hirak be sorte aat dadaun ne’e. Se imi iha neon. 


VZ, Caicoli, 15 Setembru 2016.
Ha'u gosta lee novella, hare’e filme no rona muzika.  


[i] Lei Pesaun Vitalisia

[ii] Pensaun vitalisia
[iii] Liafuan habadak husi Obralan nudar ropa tuan restu ne’ebe importa husi Sinapura ka nasaun balun ne’ebe faan ropa tuan ne’e tamba liu prazu faan nian. Bele mos ropa ne’ebe ema hatais ona no kolekta husi kolektor ropa tuan hodi export aba rai seluk.  
[iv] Ema ne’ebe fo aluga uma ka kuartu ba ema seluk atu hela ba durasaun tempu balun.

Komentar

Posting Komentar

Postingan populer dari blog ini

Aprende husi Sócrates: Ta’es Dala Tolu

Gambar
Sócrates mak ema matenek-nain ida husi Igregu. Nia ema ida be naran boot tamba ninia kuinesementu no sabedoria ne’ebe klean.  Loron ida, iha mane ida mai hasoru malu ho Sócrates no hateten,  “Itaboot hakarak hatene saida mak ha’u foin rona konaba itaboot nia belun ida?’’ “Hein lai,” Sócrates hatán.   “Molok itaboot fo hatene ha’u konaba buat ruma, ha’u hakarak itaboot passa lai ezame kiikoan ida. Ezame ne’e hanaran Ta'es Dala Tolu. ” “Taes Dala Tolu?” Mane ne’e husu. “Loos,” Sócrates hatán.  “Molok itaboot hateten mai ha'u konaba ha’u nia belun, karik diak liu fó tempu uituan hodi ta’es lai buat ne’ebé itaboot atu hateten. Ida ne’e ha’u bolu dehan ezame ta’es dala tolu. Ta’es dahuluk nian mak LIALOOS . Itaboot garante ona katak buat ne’ebe itaboot atu hateten mai ha’u ne’e loos?" “Lae” mane ne’e hatán, “loloos ne’e ha’u foin mak rona no hakarak atu fo hatene ba ita.” “Diak,” Sócrates hatan.  ...
Baca selengkapnya

KONABA DOMIN

Gambar
Obra Kahlil Gibran husi Livru O Profeta   Tradusaun livre ba lian Tetum husi Vitalia Ze Hafoin,   Al-Mithra hateten: Koalia to’ok mai ami konaba domin. No nia fila oin hodi hateke ba povu hotu iha ne’ebá be mohu iha nonook nia laran. Nune’e, ho lian makaas, nia hateten: Wainhira domin fo bodik hodi bolu o, tuir nia ba, maski ninia dalan sira mesak toos no   kroat. No wainhira ninia liras sira hakuak o, entrega o nia an ba nia, maski surik ne’ebe naksubar iha ninia liras leet   bele hakanek o. No wainhira nia koalia ba o, fiar ba nia, maski ninia lian bele harahun o nia mehi sira nudar anin tasi-feto be sobu-rahun jardiin. Nudar domin sei tau koroa ba o,   nune’e mos mak nia sei krusifika o. Nomós, nudar nia bele haburas o, nia mos bele hamenus o.   No nudar nia bele harii-an aas hanesan ho o no book o nia sanak sira be mamar   liu ne’ebe nakdedar iha Loro-matan okos, sei sai nune’e mos mak nia dada...
Baca selengkapnya

Domin no Diferensa

Gambar
Wainhira sei eskola, ha’u iha belun mane no feto ida ne’ebe laran monu ba malu no hahu sira nia relasaun domin iha tinan dahuluk eskola nian. Maski   nune’e, sira nia relasaun   hasoru diferensa iha ida-idak nia tinan, hahalok no hanoin hodi halo sira dalaruma hirus malu no kuaze atu fahe malu. Belun feto ne’e dalaruma senti laran nakraik nune’e iha tempu ruma nia fahe nia sentimentu ba ha’u nomos belun feto maluk seluk ne’ebe nia konfia atu hato’o nia problema.  Iha kalan ida, ha’u mehi   konaba nia no nia doben. Iha loron tuir mai, ha’u hasoru belun feto ne’e, ha’u haree katak nia la duun kontente tan ninia problema no sintimentu sira.  Ha’u konta tuir ba nia oinsa ha’u mehi haree nia no nia doben hirus malu makaas to ’o nia tanis senti la bele hodi sai konfuzaun lahatene atu halo oinsa loos. Iha mehi ha’u hakbesik nia hodi dehan: ‘’Belun, iha mundu ne’e, laiha mane ne’ebe perfeitu maibe sei iha domin ne’ebe perfeitu….”. Ha’u ho ha’u nia bel...
Baca selengkapnya